മുംബൈ: പഞ്ചാബ് നാഷണൽ ബാങ്ക് (പിഎൻബി) തട്ടിപ്പ് കേസിൽ നീരവ് മോദിയുടെ ആഢംബര വാഹനങ്ങൾ ലേലത്തിന്. എൻഫോഴ്സ്മെന്റ് ഡയറക്ടറേറ്റിന് പിടിച്ചെടുത്ത കാറുകൾ ലേലം ചെയ്യാൻ മുംബൈ പ്രത്യേക കോടതി അനുമതി നൽകി.
കോടിക്കണക്കിന് രൂപയുടെ പിഎൻബി തട്ടിപ്പ് കേസിൽ പ്രതിയായ നീരവ് മോദിയെ 2019 ൽ കള്ളപ്പണം വെളുപ്പിക്കൽ നിരോധന നിയമപ്രകാരം (പിഎംഎൽഎ) പിടികിട്ടാപ്പുള്ളിയായി പ്രഖ്യാപിച്ചിരുന്നു. സ്കോഡ സൂപ്പർബ് എലഗൻസ്, മെഴ്സിഡസ്-ബെൻസ് 4മാറ്റിക് എഫ്എൽ 350 സിഡിഐ, മെഴ്സിഡസ്-ബെൻസ് ജിഎൽഇ 250 എന്നിവയാണ് ഇഡി പിടിച്ചെടുത്തത്. ഓരോ വർഷം കഴിയുമ്പോഴും വാഹനങ്ങളുടെ മൂല്യ കുറയുമെന്ന് ഇഡി കോടതിയെ അറിയിച്ചിരുന്നു.
ആഢംബര കാറുകൾക്ക് പുറമേ, ഇയാളിൽ നിന്ന് പിടിച്ചെടുത്ത വിലപിടിപ്പുള്ള പെയിന്റിംഗുകൾ, സ്വത്തുക്കൾ എന്നിവയും ലേലം ചെയ്യുന്നുണ്ട്.
