ആലപ്പുഴ: പുന്നമടയിൽ ഹൗസ് ബോട്ടിന് തീപിടിച്ചു. പുന്നമട സ്റ്റാർട്ടിംഗ് പോയിന്റിംഗിന് സമീപത്ത് വച്ചാണ് തീപിടിത്തമുണ്ടായത്. വിനോദസഞ്ചാരികൾ കുറവായതിനാൽ വൻ അപകടമാണ് ഒഴിവായത്. അഗ്നിരക്ഷാസേന സ്ഥലത്തെത്തി തീയണച്ചു.
ഉല്ലാസയാത്ര ആരംഭിക്കുന്നതിന് മുമ്പായിരുന്നു അപകടം. പുക ഉയർന്നതിനെ തുടർന്ന് ബോട്ടിലുണ്ടായിരുന്ന വിനോദസഞ്ചാരികളെ സുരക്ഷിതമായി പുറത്തിറക്കി. ഹൗസ് ബോട്ടിന്റെ അടുക്കളയിൽ നിന്നാണ് തീ പടർന്നത്. ബോട്ടിനകത്ത് സിലിണ്ടറുകൾ ഉണ്ടായിരുന്നതിനാൽ അപകടസാധ്യത കൂടുതലായിരുന്നു. ഇത് കണക്കിലെടുത്ത് ഏറെ ശ്രദ്ധയോടെയായിരുന്നു തീയണയ്ക്കാനുള്ള ശ്രമങ്ങൾ നടന്നത്.
