ശ്രീനഗർ: ഭീകരപ്രവർത്തനങ്ങളിൽ ബന്ധമുണ്ടെന്ന രഹസ്യവിവരത്തിന്റെ അടിസ്ഥാനത്തിൽ 19 കാരനെ അറസ്റ്റ് ചെയ്തു. ജമ്മു സ്വദേശിയായ യുവാവാണ് അറസ്റ്റിലായത്. കശ്മീരിൽ ഭീകരാക്രമണം നടത്താൻ ഇയാൾ പദ്ധതിയിട്ടിരുന്നതായി കണ്ടെത്തിയിട്ടുണ്ട്.
ഓൺലൈൻ വഴി പാക് ഭീകരരുമായി ഇയാൾ ബന്ധപ്പെട്ടിട്ടുണ്ടെന്നും ഭീകരാക്രമണം നടത്താൻ ഗൂഢാലോചന ചെയ്തിട്ടുണ്ടെന്നും അന്വേഷണസംഘം കണ്ടെത്തിയിട്ടുണ്ട്. പാകിസ്ഥാനിലെയും മറ്റ് വിദേശരാജ്യങ്ങളിലെയും ഭീകരരുമായി യുവാവ് ഫോണിൽ ബന്ധപ്പെട്ടിരുന്നു.
19 കാരന്റെ പശ്ചാത്തലം പൊലീസ് അന്വേഷിച്ചുവരികയാണ്. ഇയാളുമായി ബന്ധമുള്ള കൂടുതൽ ആളുകളെ കേന്ദ്രീകരിച്ച് അന്വേഷണം നടക്കുന്നുണ്ട്.
