എറണാകുളം: മലയാറ്റൂരിൽ 19-കാരി കൊല്ലപ്പെട്ട കേസിൽ പൊലീസിനെതിരെ ഗുരുതര ആരോപണവുമായി ബന്ധു. പൊലീസ് പുറത്തുവിട്ട സിസിടിവി ദൃശ്യത്തിലുള്ളത് ചിത്രപ്രിയ അല്ലെന്നും തെറ്റായ വിവരങ്ങളാണ് പ്രചരിപ്പിക്കുന്നതെന്നും പെൺകുട്ടിയുടെ ബന്ധുവായ ശരത് ലാൽ ആരോപിച്ചു.
മലയാറ്റൂർ പള്ളി പരിസരത്ത് നിന്ന് ശേഖരിച്ച സിസിടിവി ദൃശ്യങ്ങളാണ് പാെലീസ് കഴിഞ്ഞ ദിവസം പുറത്തുവിട്ടത്. ചിത്രപ്രിയ അലനൊപ്പം ബൈക്കിൽ പോകുന്നതാണ് ദൃശ്യത്തിലുള്ളത്. എന്നാൽ പൊലീസിന്റെ വാദങ്ങൾ കളവാണെന്നും ദൃശ്യത്തിലുള്ളത് മറ്റാരോ ആണെന്നും ശരത് ലാൽ പറഞ്ഞു.
കൊലപാതകത്തിൽ ആൺസുഹൃത്ത് അലൻ ബെന്നിയെ പൊലീസ് അറസ്റ്റ് ചെയ്തിരുന്നു. ഇരുവരുടെയും മൊബൈൽ ഫോൺ പരിശോധിച്ചാൽ മാത്രമേ കൂടുതൽ തെളിവുകൾ ലഭിക്കുകയുള്ളു. കൊലപാതകത്തിൽ മറ്റാർക്കെങ്കിലും പങ്കുണ്ടോയെന്നും അന്വേഷിച്ചുവരികയാണ്.
പ്രതിയെ സ്ഥലത്തെത്തിച്ച് തെളിവെടുപ്പ് നടത്തും. ചിത്രപ്രിയയുടെയും അലന്റെയും ഫോണുകൾ ശാസ്ത്രീയ പരിശോധനയ്‌ക്ക് അയയ്‌ക്കും. മദ്യലഹരിയിലാണ് കൊലപാതകം നടത്തിയതെന്ന് അലൻ ചോദ്യം ചെയ്യലിൽ സമ്മതിച്ചിരുന്നു.
