തിരുവനന്തപുരം : തിരുവനന്തപുരം കോർപറേഷനിലെ പരാജയത്തിൽ മേയർ ആര്യ രാജേന്ദ്രനെ വിമർശിച്ച് കൗൺസിൽ അംഗം ഗായത്രി ബാബു.
ആര്യ രാജേന്ദ്രന് പാർട്ടിയെക്കാൾ വലുതാണെന്ന് ഭാവമുണ്ടായി എന്നാണ് ഗായത്രി പറയുന്നത്. കഴിഞ്ഞ അഞ്ചുവർഷംകൊണ്ട് LDFന്റെ ജനകീയത ഇല്ലാതാക്കി, അടിസ്ഥാനപരമായ കാര്യങ്ങൾ അവഗണിച്ചു. ഇവയെല്ലാം ഒഴിവാക്കിയിരുന്നെങ്കിൽ ഇത്ര കനത്തിലാകുമായിരുന്നില്ല തിരിച്ചടി. മേയർ ആര്യ രാജേന്ദ്രന് പാർട്ടിയേക്കാൾ വലുതെന്നു ഭാവവും, പുച്ഛവും മുകളിലുള്ളവരെ കാണുമ്പോൾ മാത്രമുള്ള അതിവിനയവും എന്നും ഗായത്രി ബാബു ആരോപിക്കുന്നു.
നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ആയിരുന്നു ഗായത്രി ബാബു. ഇവരുടെ അച്ഛൻ വഞ്ചിയൂർ പി ബാബു ഇക്കുറി വഞ്ചിയൂർ ഡിവിഷനിൽ നിന്നു ജനവിധി തേടിയിരുന്നു.പി ബാബു എന്ന വട്ടപ്പേരിൽ അറിയപ്പെടുന്ന ഇയാൾ തെരെഞ്ഞെടുപ്പിൽ ഉപയോഗിക്കാൻ വേണ്ടി ശങ്കരൻ കുട്ടി നായർ എന്ന സ്വന്തം പേര് സ്വീകരിച്ചത് ട്രോളുകൾ ക്ഷണിച്ചു വരുത്തിയിരുന്നു.
