കല്പ്പറ്റ: വയനാട്ടില് വീണ്ടും കടുവ ആക്രമണം. ആദിവാസി വയോധികന് കൊല്ലപ്പെട്ടു. പുല്പ്പള്ളി വണ്ടിക്കടവ് ദേവര്ഗദ്ദ കാട്ടുനായ്ക്ക ഉന്നതിയിലെ കൂമന് ആണ് മരിച്ചത്. സഹോദരിയോടൊപ്പം വനത്തില് വണ്ടിക്കടവ് വനത്തില് വിറക് ശേഖരിക്കാന് പോയപ്പോഴാണ് കടുവ ആക്രമിച്ചത്. സഹോദരി ഓടി രക്ഷപ്പെടുകയായിരുന്നു.കടുവയുടെ ആക്രമണത്തില് ഗുരുതരമായി പരിക്കേറ്റ ഇദ്ദേഹത്തെ ആശുപത്രിയിലേക്ക് കൊണ്ടുപോകും വഴി മരണപ്പെട്ടു.
ആദിവാസി വയോധികന് കൊല്ലപ്പെട്ടതിനെ തുടർന്ന് സംഭവസ്ഥലത്ത് വന് പ്രതിഷേധം നടക്കുകയാണ്. മൃതദേഹം സ്ഥലത്തുനിന്ന് നീക്കാന് അനുവദിക്കാതെ നാട്ടുകാര് പ്രതിഷേധം തുടരുകയാണ്. വനംവകുപ്പ് ഉദ്യോഗസ്ഥരും പൊലീസും സ്ഥലത്തെത്തിയിട്ടുണ്ട്.
