ന്യൂഡൽഹി: മണിക്കൂറിൽ 180 കിലോമീറ്റർ വേഗതയിൽ ഓടി വന്ദേ ഭാരത് ട്രെയിൻ ഇന്ത്യൻ റെയിൽവേയുടെ ചരിത്രത്തിലെ ഒരു വലിയ നേട്ടത്തിലെത്തിച്ചേർന്നു. ഇതിന്റെ വീഡിയോ റയിൽവേ മന്ത്രി അശ്വിനി വൈഷ്ണവ് പങ്കിട്ടു.
രാജസ്ഥാനിലെ കോട്ടയ്‌ക്കും മധ്യപ്രദേശിലെ ഉജ്ജൈൻ ജില്ലയിലെ നാഗ്ഡ ഡിവിഷനും ഇടയിലാണ് ചരിത്രം കുറിച്ച ഈ ട്രെയിൻ യാത്ര നടത്തിയത്. ഇന്ത്യൻ റെയിൽവേയുടെ ചരിത്രത്തിൽ സുവർണ്ണ ലിപികളിൽ എഴുതപ്പെടുന്ന ഒരു നേട്ടമാണിത്.
Vande Bharat Sleeper tested today by Commissioner Railway Safety. It ran at 180 kmph between Kota Nagda section. And our own water test demonstrated the technological features of this new generation train. pic.twitter.com/w0tE0Jcp2h
— Ashwini Vaishnaw (@AshwiniVaishnaw) December 30, 2025
വെള്ളം നിറഞ്ഞ ഗ്ലാസ് കുലുക്കാതെ കാറ്റിന്റെ വേഗതയിൽ നീങ്ങുന്ന ഒരു ട്രെയിന്റെ വീഡിയോ റയിൽവേ മന്ത്രി അശ്വിനി വൈഷ്ണവ് പങ്കിട്ടത് വൈറലായിട്ടുണ്ട് . മണിക്കൂറിൽ 180 കിലോമീറ്റർ വേഗതയിലാണ് ട്രെയിൻ സഞ്ചരിച്ചിരുന്നതെങ്കിലും, ഉള്ളിലെ വെള്ളം നിറഞ്ഞ ഗ്ലാസിൽ ഒരു വൈബ്രേഷനും ഉണ്ടായിരുന്നില്ല. ഒരു തുള്ളി വെള്ളം പോലും താഴേക്ക് വീഴുന്നില്ല എന്ന് തെളിയിച്ച ഈ പരിശോധനയിൽ ട്രെയിനിന്റെ അസാധാരണമായ സ്ഥിരതയും സന്തുലിതാവസ്ഥയും കാണാം.
വന്ദേ ഭാരത് സ്ലീപ്പർ ട്രെയിനിന്റെ ‘ജല പരീക്ഷണം’ വിജയകരമായിരുന്നു, ലോകം മുഴുവൻ ഇന്ത്യൻ സാങ്കേതികവിദ്യയിലേക്ക് ഉറ്റുനോക്കുന്നു. റെയിൽവേ മന്ത്രി അശ്വിനി വൈഷ്ണവ് ഇന്ന് തന്റെ എക്സ് അക്കൗണ്ടിൽ കുറിച്ചു.
