കൊച്ചി: സംസ്ഥാനത്ത് സ്വർണവില കുതിച്ചു കയറുന്നു. ഇന്ന് മൂന്നു തവണയാണ് സ്വർണവില കൂടിയത്. 5 മണിക്കൂറിനിടെ ഒരു പവനിൽ 3,160 രൂപയുടെ വർധനവാണുണ്ടായത്. ഇതോടെ ഒരു പവൻ സ്വർണത്തിന്റെ വില 1,10,400 രൂപയായി. സമീപകാലത്ത് ഒറ്റയടിക്ക് ഇത്രയും വില കൂടിയിട്ടില്ല.
സാധാരണ ദിവസത്തിൽ ഒരു തവണയാണ് സ്വർണവില മാറുന്നത്, അത് രാവിലെ 9.30 നും 9. 45 നും ഇടിയിലായിരിക്കും. ഇന്ന് 11.30 നും 2.30 നും വിലകൂടി. രാവിലെ 1,08,000 രൂപയിൽ നിന്നാണ് ഉച്ചയ്ക്ക് ശേഷം,10,400 ആയത്. ഇന്നത്തെ നിലവാരം അനുസരിച്ച് ഒരു പവൻ ആഭരണം വാങ്ങണമെങ്കിൽ 1,19,561 രൂപയെങ്കിലും നൽകേണ്ടി വരും.
