തിരുവനന്തപുരം: സംസ്ഥാനത്ത് സ്വർണ വിലയിൽ റെക്കോർഡ് വർധന. 22 കാരറ്റ് സ്വർണത്തിന്റെ വില പവന് 1,31,160 രൂപയായി കുതിച്ചുയർന്നു. ഒരു ഗ്രാമിന് 1,080 രൂപയാണ് ഇന്ന് മാത്രം കൂടിയത്. ഇതോടെ ഒരു ഗ്രാം സ്വർണത്തിന്റെ വിപണി വില 16,395 രൂപയായി ഉയർന്നു. ഇതോടെ സ്വർണ വില സർവകാല റെക്കോഡിലെത്തി. ലൈറ്റ് വെയ്റ്റ് ആഭരണങ്ങൾക്ക് ഉപയോഗിക്കുന്ന 18 കാരറ്റിന് 1,07,720 രൂപയും 14 കാരറ്റിന് 83,880 രൂപയിലേക്കും എത്തിച്ചേർന്നു.
വില കുത്തനെ വർദ്ധിച്ചതോടെ ആഭരണ വിപണി കടുത്ത പ്രതിസന്ധിയിലായി. ജ്വല്ലറികളിൽ എത്തുന്നവരിൽ ഭൂരിഭാഗവും മാറ്റിയെടുക്കാനായാണ് എത്തുന്നത്. സ്വർണാഭരണം പണം കൊടുത്ത് വാങ്ങുന്നവരുടെ എണ്ണം നാമമാത്രമായെന്നും ജ്വല്ലറിയുടമകൾ പറയുന്നു.
