തിരുവനന്തപുരം: ലൈംഗികാതിക്രമക്കേസിൽ സംവിധായകൻ പി. ടി കുഞ്ഞുമുഹമ്മദിനെതിരെ കുറ്റപത്രം സമർപ്പിച്ചു. ലൈംഗികാതിക്രമം, സ്ത്രീത്വത്തെ അപമാനിക്കൽ തുടങ്ങിയ ഗുരുതര വകുപ്പുകൾ ചുമർത്തിയാണ് കേസ് രജിസ്റ്റർ ചെയ്തിരിക്കുന്നത്. കൻറോൺമെൻറ് പോലീസ് ആണ് കുറ്റപത്രം സമർപ്പിച്ചത്
ചലച്ചിത്ര പ്രവർത്തകർ അടക്കം 6 സാക്ഷികളെ ഉൾപ്പെടുത്തിയിട്ടുണ്ട്. ചലച്ചിത്രമേളയ്ക്കിടയിൽ സ്ക്രീനിങ്ങിന് എന്ന പേരിൽ സംവിധായികയെ ഹോട്ടൽ മുറിയിലേക്ക് വിളിച്ചുവരുത്തി അപമാനിച്ചു എന്നാണ് കേസ്.
2025 നവംബർ ആറിന് തിരുവനന്തപുരത്ത് ഐഎഫ്എഫ്കെ ചലചിത്രമേളയുടെ സ്ക്രീനിങ്ങിനിടെയായിരുന്നു സംഭവം. മുഖ്യമന്ത്രിക്ക് സംവിധായിക നല്കിയ പരാതിയിലാണ് പോലീസ് എഫ്ഐആർ രജിസ്റ്റർ ചെയ്തത്. അതിക്രമം നടന്നെന്ന് പരാതിക്കാതി ആരോപിക്കുന്ന സമയത്ത് ഇരുവരും ഹോട്ടലില് ഉണ്ടായിരുന്നുവെന്ന് വ്യക്തമാക്കുന്ന സിസിടിവി ദൃശ്യങ്ങൾ പോലീസിന് ലഭിച്ചിരുന്നു.
