പ്രവാസി മലയാളികൾക്ക് ഗൃഹാതുരത്വം ഉണർത്തുന്ന കലാ – സാംസ്കാരിക പരിപാടികൾ കോർത്തിണക്കി ജനം ടിവിയും ജനം സൗഹൃദവേദിയും സംയുക്തമായി ഡൽഹിയിൽ സംഘടിപ്പിക്കുന്ന “ജനോത്സവം-2026” എന്ന തൃദിന പരിപാടിയുടെ ഔദ്യോഗിക ലോഞ്ചിംഗും പ്രവേശനപാസ്സുകളുടെ വിതരണോദ്ഘാടനവും ഈ വരുന്ന ശനിയാഴ്ച (28/2/2026) വൈകുന്നേരം 6:30 നു നടക്കും. കേന്ദ്രമന്ത്രി ജോർജ് കുര്യന്റെ ഔദ്യോഗിക വസതിയിൽ (20, തുഗ്ലക് ക്രെസന്റ്) വെച്ചാണ് ഉദ്‌ഘാടനം.
ജനം ടീവിയുടെയും സർക്കാരിന്റെയും, കേന്ദ്ര സാംസ്കാരിക മന്ത്രാലയത്തിന്റെയും സഹകരണത്തോടെയാണ് ഈ മാർച്ച്‌ 27, 28, 29 തീയതികളിൽ ഡൽഹിയിൽ “ജനോത്സവം-2026” സംഘടിപ്പിക്കുന്നത്.
നിരവധി പ്രശസ്ത സിനിമാ താരങ്ങളും പിന്നണി ഗായകരും സംവിധായകരും നാടൻകലകൾ അവതരിപ്പിക്കുന്നവരും എല്ലാം പങ്കെടുക്കുന്ന ഈ കലാകുംഭമേളയിൽ കലാപരിപാടികൾക്കൊപ്പം ശില്പശാലയും ചർച്ചയും ഒക്കെ കോർത്തിണക്കിയിട്ടുണ്ട്. ഇതിനോടനുബന്ധിച്ചു രുചികരമായ ഭക്ഷണം ലഭ്യമാക്കുന്ന ഭക്ഷ്യശാലകളും ആയുർവേദ- സുഗന്ധവ്യഞ്ജന സ്റ്റാളുകളും പുസ്‌തകശാലകളും ഒരുക്കുന്നുണ്ട്.
ജനോത്സവം ചെയർമാൻ പ്രൊഫ. കെ ജി സുരേഷും,എക്സിക്യൂട്ടീവ് ചെയർമാൻ ജി സുരേഷ് കുമാറും, ജനറൽ കൺവീനർ ജി അശോക് കുമാർ (റിട്ട) ഐ എ എസുമാണ്
