കൊച്ചി: റിപ്പോര്ട്ടര് ടിവിയുടെ ലൈസന്സ് റദ്ദാക്കണമെന്നാവശ്യപ്പെട്ട് ട്വൻറി-20 പ്രസിഡൻറ് സാബു.എം ജേക്കബ് ഹൈക്കോടതിയെ സമീപിച്ചു. ഹര്ജി ഫയലില് സ്വീകരിച്ച കോടതി റിപ്പോര്ട്ടര് ടിവിയുടെ ബ്രോഡ്കാസ്റ്റ് അനുമതിയുമായി ബന്ധപ്പെട്ട രേഖകള് ഹാജരാക്കാന് കേന്ദ്ര സര്ക്കാരിന് നിർദ്ദേശം നൽകി.
റിപ്പോര്ട്ടര് ബ്രോഡ്കാസ്റ്റ് കമ്പനി മാനേജിംഗ് ഡയറക്ടര് കെ.ജെ. ജോസ്, ഡയറക്ടര് മെല്ബി ജോസ്, മാനേജിംഗ് എഡിറ്റര് ആന്റോ അഗസ്റ്റിന്, ചെയര്മാന് റോജി അഗസ്റ്റിന്, വൈസ് ചെയര്മാന് ജോസുകുട്ടി അഗസ്റ്റിന്, ഇന്ഡോ ഏഷ്യന് ന്യൂസ് ചാനല് പ്രൈവറ്റ് ലിമിറ്റഡിനും അതിന്റെ ഡയറക്ടര്മാരായ നികേഷ് കുമാര്, റാണി വര്ഗീസ് എന്നിവര്ക്കെതിരെയാണ് ഹർജി.
രാജ്യത്തെ സാറ്റലൈറ്റ് ടെലിവിഷന് ചാനലുകളുടെ അപ് ലിങ്കിംഗ് ഡൗണ്ലിങ്കിംഗ് ചട്ടങ്ങള് ലംഘിച്ച് ചാനലിന്റെ ഉടമസ്ഥതയും പ്രവര്ത്തനവും അനധികൃതമായി നടത്തുന്നുവെന്നതാണ് ഹര്ജിയിലെ പ്രധാന ആരോപണം.
