പത്തനംതിട്ട: ജനറൽ ആശുപത്രിയിൽ തലയിൽ ചക്ക വീണ് രോഗിക്ക് പരിക്കേറ്റു.. ഓമല്ലൂർ സ്വദേശി എൻ. ഗംഗാധരൻ നായർക്കാണ് (78) പരിക്കേറ്റത്. ആശുപത്രിയിലെ ഒപി വിഭാഗത്തിന് സമീപമുള്ള പ്ലാവിൽ നിന്നാണ് ചക്ക വീണത്.
ഇന്നലെ വൈകിട്ടായിരുന്നു സംഭവം. ഡോക്ടറെ കണ്ട ശേഷം മരുന്ന് വാങ്ങാനായി കൗണ്ടറിൽ പോയി കാത്തുനിൽക്കുമ്പോഴാണ് ചക്ക തലയിൽ വീണത്. ചക്ക തലയിൽ പതിച്ചതോടെ ഗംഗാധരൻ നായർ ബോധരഹിതനായി. രോഗിയെ ഉടൻ തന്നെ അത്യാഹിത വിഭാഗത്തിൽ പ്രവേശിപ്പിച്ചു വയോധികനറെ രണ്ട് കാൽമുട്ടിലും, കൈകളിലും, കാൽവിരലുകളിലും പരുക്കുണ്ട്. നിലവിൽ ഗംഗാധരൻ നായർ ജനറൽ ആശുപത്രിയിൽ ചികിത്സയിലാണ്.
സംഭവത്തിന് പിന്നാലെ ആശുപത്രി വളപ്പിലെ അപകടസാധ്യതയുള്ള ശിഖരങ്ങൾ മുറിച്ചുമാറ്റാൻ നടപടി തുടങ്ങിയിട്ടുണ്ട്. മരങ്ങൾ മുറിച്ചു നീക്കാൻ അനുമതി തേടി സോഷ്യൽ ഫോറസ്ട്രിക്ക് കത്ത് നൽകിയതായും ആശുപത്രി സൂപ്രണ്ട് പറഞ്ഞു.
