തിരുവനന്തപുരം: ആറ്റുകാൽ പൊങ്കാലയുടെ പശ്ചാത്തലത്തിൽ തലസ്ഥാനത്ത് നാളെ (മാർച്ച് 3 ചൊവ്വാഴ്ച ) പ്രാദേശിക അവധി പ്രഖ്യാപിച്ചു. ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും സർക്കാർ- അർദ്ധ സർക്കാർ സ്ഥാപനങ്ങൾക്കും അവധി ബാധകമായിരിക്കും.ഈ വിഷയത്തിൽ ജില്ലാ കളക്ടറുടെ അറിയിപ്പ് ഉണ്ട്. ഇന്നുച്ച മുതൽ നഗരത്തിൽ ഗതാഗത നിയന്ത്രണമുണ്ടാകും.
പൊങ്കാലയോടനുബന്ധിച്ച് ഡ്യൂട്ടിക്കെത്തുന്ന പൊലീസ് ഉദ്യോഗസ്ഥർക്ക് താമസസൗകര്യം ഒരുക്കുന്നതിനായി തിരുവനന്തപുരം നഗരപരിധിയിലെ 28 വിദ്യാലയങ്ങൾക്ക് ഇന്ന് അവധി നൽകിയിട്ടുണ്ട്.
തുഞ്ചൻ സ്മാരക സമിതി ടി.ടി.ഐ, ഗവ. ഗേൾസ് ഹയർ സെക്കൻഡറി സ്കൂൾ കരമന, ഗവ. ബോയ്സ് ഹൈസ്കൂൾ ചാല, ഗവ. ഗേൾസ് ഹൈസ്കൂൾ ചാല, ഗവ. എൽ പി സ്കൂൾ ചാല, ഗവ. തമിഴ് ഹയർസെക്കൻഡറി സ്കൂൾ ചാല, ഗവ. യുപി സ്കൂൾ ചാല, ഗവ. സംസ്കൃതം ഹൈസ്കൂൾ ഫോർട്ട്, ഗവ. സംസ്കൃതം എൽ പി സ്കൂൾ ഫോർട്ട്, ഗവ. സെൻട്രൽ ഹൈസ്കൂൾ, ഗവ. എൽ പി സ്കൂൾ കുര്യാത്തി, ജവഹർ ഇ എം എച്ച് എസ് മണക്കാട്, ശ്രീ മരുതിറാം ഇഎംഎച്ച്എസ് കരമന, ഗവ. യുപി സ്കൂൾ വലിയശാല, ശ്രീവിദ്യാധിരാജ വിദ്യാമന്ദിർ കളിപ്പാം കുളം, ഗവ. യുപി സ്കൂൾ അമ്പലത്തറ, ഗവ. യുപി സ്കൂൾ തമ്പാനൂർ, ഗവ. ബോയ്സ് സ്കൂൾ കരമന, ഗവ. ഗേൾസ് ഹൈസ്കൂൾ കരമന, എസ് എം വി ഗവ. സ്കൂൾ തമ്പാനൂർ, ആറ്റുകാൽ ചിന്മയ വിദ്യാലയ, ഗവ. ഹയർസെക്കൻഡറി സ്കൂൾ കമലേശ്വരം, ഗവ. യുപി സ്കൂൾ കൊഞ്ചിറവിള, ഗവ. ഹൈസ്കൂൾ കാലടി, ഗവ. യുപി സ്കൂൾ നെടുങ്കാട്, ഗവ. യുപി സ്കൂൾ ഫോർട്ട്, ഗവ. ഹയർസെക്കൻഡറി സ്കൂൾ മണക്കാട്, മിഷൻ സ്കൂൾ ഫോർട്ട് എന്നിവയ്ക്കാണ് അവധി പ്രഖ്യാപിച്ചത്.
