തിരുവനന്തപുരം: വട്ടിയൂർക്കാവിൽ ക്ഷേത്രോത്സവം തടസ്സപ്പെടുത്താൻ ഡിവൈഎഫ്ഐ പ്രവർത്തകരുടെ ശ്രമം. വെളൈക്കടവ് ക്ഷേത്രോത്സവത്തിനിടെയാണ് ഡിവൈഎഫ്ഐ ഗുണ്ടകളുടെ ആക്രമണമുണ്ടായത്. സംഘർഷം പരിഹരിക്കാൻ എത്തിയ ബിജെപി കൗൺസിലറെ അക്രമികൾ മർദ്ദിച്ചു.
ഭക്തിഗാനസുധ നിർത്തി വച്ച് ഗാനമേള നടത്തണം എന്ന ഡിവൈഎഫ്ഐക്കാരുടെ ആവശ്യം ക്ഷേത്ര കമ്മറ്റി എതിർത്തിരുന്നു. തുടർന്ന് ക്ഷേത്ര കമ്മറ്റി അംഗങ്ങളെ ഡിവൈഎഫ്ഐക്കാർ മർദ്ദിക്കുകയായിരുന്നു. അക്രമികൾ മദ്യലഹരിയിൽ ആയിരുന്നു എന്നും പറയപ്പെടുന്നുണ്ട്. സംഘർഷം പരിഹരിക്കാൻ എത്തിയ വാഴോട്ടുകോണം വാർഡ് കൗൺസിലർ ആർ സുഗതനെയും പ്രതികൾ മർദ്ദിച്ചു. പരുക്കേറ്റ അദ്ദേഹം ആശുപത്രിയിൽ ചികിത്സയിലാണ്.
അക്രമികൾക്കെതിരെ ബിജെപി പൊലീസിൽ പരാതി നൽകിയെങ്കിലും പ്രതികളെ അറസ്റ്റ് ചെയ്യാൻ പോലീസ് കൂട്ടാക്കിയില്ല. തുടർന്ന് ബിജെപി പ്രവർത്തകർ രാത്രി രണ്ട് മണി വരെ വട്ടിയൂർക്കാവ് പോലീസ് സ്റ്റേഷൻ ഉപരോധിച്ചിരുന്നു.
