മലയാള സിനിമയിലെ വന് ഹിറ്റായി മാറിയ ‘വാഴ’യുടെ മൂന്നാം ഭാഗം ഔദ്യോഗികമായി പ്രഖ്യാപിച്ചിച്ച് സംവിധായകന്. വിപിന് ദാസാണ് സോഷ്യല് മീഡിയയിലൂടെ പ്രേക്ഷകരെ ആവേശത്തിലാഴ്ത്തിയ ഈ സര്പ്രൈസ് വാര്ത്ത പങ്കുവെച്ചത്. ‘വാഴ’ എന്ന ഫ്രാഞ്ചൈസി പ്രതീക്ഷിച്ചതിലും വലിയ വിജയമായ പശ്ചാത്തലത്തിലാണ് മൂന്നാം ഭാഗത്തിന്റെ പ്രഖ്യാപനം. പെണ്കുട്ടികളുടെ കഥ പറയുന്ന ‘ബയോപിക് ഓഫ് എ ബില്ല്യണ് ഗേള്സ്’ എന്നാണ് പുതിയ ചിത്രത്തിന് നല്കിയിരിക്കുന്ന പേര്.
വിപിന് ദാസിന്റെ സംവിധാന സഹായിയായിരുന്ന വിശ്വന് ശ്രീജിത്താണ് മൂന്നാം ഭാഗം ഒരുക്കുന്നത്. വിപിന് ദാസ് തന്നെയാണ് ചിത്രത്തിന്റെ തിരക്കഥ നിര്വ്വഹിക്കുന്നത്. സിനിമാ രംഗത്തേക്ക് പുതിയ പ്രതിഭകളെ കൊണ്ടുവരിക എന്ന ലക്ഷ്യത്തോടെയാണ് ഈ ഫ്രാഞ്ചൈസി മുന്നോട്ട് പോകുന്നത്. എഴുത്ത്, അഭിനയം, സംഗീതം തുടങ്ങി എല്ലാ മേഖലകളിലും അടുത്ത തലമുറയെ സിനിമയുടെ ഭാഗമാക്കുമെന്ന് വിപിന് ദാസ് ഉറപ്പുനല്കുന്നു.
തിരക്കഥ പൂര്ത്തിയായ ശേഷം അഭിനേതാക്കള്ക്കായി വിപുലമായ ഓഡിഷന് നടത്തും. നിലവില് പോര്ട്ട്ഫോളിയോകള് അയക്കേണ്ടതില്ലെന്ന് അദ്ദേഹം അറിയിച്ചു. ഐക്കണ് സ്റ്റുഡിയോസ്, വിപിന് ദാസ്, ഹാരിസ് ദേശം, പി.ബി. അനീഷ്, സാഹു ഗരപ്പട്ടി, ആദര്ശ് നാരായണന് എന്നിവര് ചേര്ന്നാണ് ചിത്രം നിര്മ്മിക്കുന്നത്. അങ്കിത് മേനോനാണ് സംഗീത സംവിധായകന്. ‘വാഴ ഫ്രാഞ്ചൈസിയുടെ ഹൃദയമിടിപ്പ് പ്രേക്ഷകരാണ്. ക്യാമറയ്ക്ക് മുന്നിലും പിന്നിലും പുതിയ മുഖങ്ങളെ അണിനിരത്തിക്കൊണ്ട് ഈ പാരമ്പര്യം ഞങ്ങള് തുടരും. അടുത്ത വര്ഷം ചിത്രീകരണം ആരംഭിക്കും.’ എന്ന് വിപിന് ദാസ് ഫേയ്സ്ബുക്കില് കുറിച്ചു.
പെണ്കുട്ടികളുടെ പശ്ചാത്തലത്തില് ഒരുങ്ങുന്ന ‘വാഴ-3’ ലൂടെ വലിയൊരു മാറ്റമാണ് അണിയറപ്രവര്ത്തകര് ലക്ഷ്യമിടുന്നത്. ആദ്യ രണ്ട് ഭാഗങ്ങളും നല്കിയ ചിരിയും ചിന്തയും പുതിയ പതിപ്പിലും ഉണ്ടാകുമെന്ന പ്രതീക്ഷയിലാണ് ആരാധകര്.
