ഓരോ ക്ലിക്കിലും പതിഞ്ഞത് കൊൽക്കത്ത ന​ഗരത്തിന്റെ വിവിധ ആം​ഗിളിലുള്ള ചിത്രങ്ങൾ; ഹു​ഗ്ലി നദിയിൽ തോണി സവാരി നടത്തിയ പ്രധാനമന്ത്രി നരേന്ദ്രമോദി

കയ്യിൽ ക്യാമറ, ഓരോ ക്ലിക്കിലും പതിഞ്ഞത് കൊൽക്കത്ത ന​ഗരത്തിന്റെ വിവിധ ആം​ഗിളിലുള്ള ചിത്രങ്ങൾ…ചരിത്രമുറങ്ങുന്ന കൊൽക്കത്തയുടെ ആത്മാവിലൂടെ ഒഴുകുന്ന ഹു​ഗ്ലി നദിയിൽ തോണി സവാരി നടത്തിയ പ്രധാനമന്തിയുടെ ദൃശ്യങ്ങൾ സോഷ്യൽ മീഡിയയുടെ മനം കവരുകയാണ്. തെരഞ്ഞടുപ്പ് പ്രചരണത്തിന്റെ തിരക്കുകൾ മാറ്റിവച്ചാണ് പ്രധാനമന്ത്രി ഹു​ഗ്ലിയിലൂടെ പ്രഭാതയാത്ര നടത്തിയത്.

ഹൗറ പാലത്തിന്റെയും വിദ്യാനഗർ സേതുവിന്റെയും ചിത്രങ്ങൾ സോഷ്യൽ മീഡിയയിൽ പങ്കുവെച്ച പ്രധാനമന്ത്രി, ബം​ഗാളിന്റെ വികസനത്തിനും അഭിവൃദ്ധിക്കുമായി കൂടെയുണ്ടാവുമെന്ന് വ്യക്തമാക്കുകയും ചെയ്തു.

For every Bengali, the Ganga occupies a very special place. One can say that the Ganga flows through the soul of Bengal. Her divine waters carry the timeless spirit of an entire civilisation.

This morning in Kolkata, I spent some time on the banks of the Hooghly river, an… pic.twitter.com/I3Y0gsFl3E

— Narendra Modi (@narendramodi) April 24, 2026

‘ ബംഗാളിന്റെ ആത്മാവിലൂടെയാണ് ഗംഗ ഒഴുകുന്നത്. അതിനാൽ ഓരോ ബം​ഗാളിയുടെ ഹൃദയത്തിലും ഗംഗയ്‌ക്ക് വളരെ സവിശേഷമായ സ്ഥാനമുണ്ട്. ​ഗം​ഗയുടെ ദിവ്യജലം ബം​ഗാളിന്റെ ചരിത്രവും പൗരാണികവുമായി ചൈതന്യം വഹിച്ചാണ് ഒഴുകുന്നത്. ഇന്ന് രാവിലെ കൊൽക്കത്തയിൽ, ഹൂഗ്ലി നദിയുടെ തീരത്ത് കുറച്ച് സമയം ചെലവഴിച്ചു. ഗംഗാ മാതാവിനോടുള്ള കടപ്പാട് പ്രകടിപ്പിക്കാനുള്ള അവസരമായി ഇതിനെ കാണുന്നു’, എന്ന് പ്രധാനമന്ത്രി എക്സിൽ കുറിച്ചു.

പുണ്യനദിയുടെ തീരത്ത് വള്ളക്കാരുമായും പ്രഭാര സവാരിക്കാരുമായും സംവദിക്കുന്ന ദൃശ്യങ്ങളും പ്രധാനമന്ത്രി പങ്കുവച്ചു. മെയ് നാലിന് ബംഗാൾ വികസനത്തിന്റെ പുതിയൊരു പുലരിയിലേക്ക് ഉണരുമെന്ന പ്രതീക്ഷയാണ് പ്രധാനമന്ത്രിയുടെ പ്രഭാത സന്ദർശനം നൽകുന്നത്.