തിരുവനന്തപുരം: സംസ്ഥാനത്ത് ഒറ്റപ്പെട്ടയിടങ്ങളില് ശക്തമായ വേനല്മഴ.24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കാന് സാധ്യതയുള്ളതിനാലാണ് ജാഗ്രതാ നിര്ദ്ദേശം നല്കിയിരിക്കുന്നത്. 29ന് പത്തനംതിട്ട, ഇടുക്കി ജില്ലയിലും, 30ന് കണ്ണൂര്, കാസര്ഗോഡ് ജില്ലകളിലും മെയ് ഒന്നിന് പത്തനംതിട്ട, ഇടുക്കി, വയനാട് ജില്ലകളിലും യെല്ലോ അലേര്ട്ടാണ്.
ചില സ്ഥലങ്ങളില് മഴ ലഭിക്കുന്നുണ്ടെങ്കിലും ചില സംസ്ഥാനങ്ങളില് താപനില ഉയര്ന്ന് തന്നെ നില്ക്കുകയാണ്. മഴയുടെ സൂചനകള് ഉണ്ടെങ്കിലും സംസ്ഥാനത്ത് പകല്സമയത്തെ ചൂട് അതികഠിനമായി തുടരുകയാണ്. ഇന്നും നാളെയും പാലക്കാട് 40, കൊല്ലം 39, കോട്ടയം, തൃശൂര്, കോഴിക്കോട് 38, ആലപ്പുഴ, എറണാകുളം, മലപ്പുറം, കണ്ണൂര്, കാസര്ഗോഡ് 37, തിരുവനന്തപുരം 36 എന്നിങ്ങിനെയാണ് താപനില റിപ്പോര്ട്ട് ചെയ്തിരിക്കുന്നത്.
മഴയ്ക്കൊപ്പം ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. അതേസമയം, ഉയര്ന്ന താപനില കണക്കിലെടുത്ത് സൂര്യാഘാതം ഏല്ക്കാതിരിക്കാന് ഉച്ചസമയത്ത് നേരിട്ട് വെയില് ഏല്ക്കുന്നത് ഒഴിവാക്കണമെന്നും നിര്ദ്ദേശമുണ്ട്. മഴ ലഭിക്കുന്നതോടെ നിലവിലെ ഉഷ്ണാവസ്ഥയ്ക്ക് നേരിയ ശമനമുണ്ടാകുമെന്നാണ് പ്രതീക്ഷിക്കുന്നത്.
