ചെന്നൈ: വേനൽ അവധി പ്രമാണിച്ച് ദക്ഷിണ റെയിൽവേ ആരംഭിക്കുന്ന തിരുവനന്തപുരം – വേളാങ്കണ്ണി പ്രത്യേക ട്രെയിൻ സർവീസിന്റെ ടിക്കെറ്റ് ബുക്കിങ് ഇന്ന് ആരംഭിക്കും.
തിരുവനന്തപുരം നോർത്തിൽ നിന്ന് വേളാങ്കണ്ണിയിലേക്കുള്ള അവധിക്കാല സ്പെഷ്യൽ ട്രെയിൻ 13ന് ആണ് സർവീസ് ആരംഭിക്കുന്നത്. മെയ് മാസം മുഴുവൻ ബുധനാഴ്ചകളിൽ വേളാങ്കണ്ണിക്ക് സർവീസ് നടത്തും. പ്രത്യേക ട്രെയിൻ (ട്രെയിൻ നമ്പർ; 06031) 13, 20, 27 തീയതികളിൽ രാവിലെ 11 മണിക്ക് തിരുവനന്തപുരം നോർത്ത് റെയിൽവേ സ്റ്റേഷനിൽ നിന്ന് പുറപ്പെട്ട് അടുത്ത ദിവസം പുലർച്ചെ 3 മണിക്ക് വേളാങ്കണ്ണിയിൽ എത്തിച്ചേരും.
വേളാങ്കണ്ണി-തിരുവനന്തപുരം സ്പെഷ്യൽ ട്രെയിൻ (ട്രെയിൻ നമ്പർ: 06032) 14, 21, 28 തീയതികളിൽ ഉച്ചയ്ക്ക് 12.45 ന് വേളാങ്കണ്ണിയിൽ നിന്ന് പുറപ്പെട്ട് അടുത്ത ദിവസം പുലർച്ചെ 5.45 ന് തിരുവനന്തപുരത്ത് എത്തും. ഈ പ്രത്യേക ട്രെയിനിന്റെ ബുക്കിംഗ് 8-ാം തീയതി (വെള്ളിയാഴ്ച) രാവിലെ 8 മണിക്ക് ആരംഭിക്കും.
ബുധനാഴ്ചകളിൽ പകൽ 11ന് തിരുവനന്തപുരം നോർത്തിൽ (കൊച്ചുവേളി) നിന്ന് പുറപ്പെട്ട് കൊല്ലം, പുനലൂർ, ചെങ്കോട്ട, ശിവകാശി, ശിവഗംഗ, നാഗപട്ടണം വഴി പിറ്റേന്ന് പുലർച്ചെ മൂന്നിന് വേളാങ്കണ്ണിയിലെത്തും.
അവിടെനിന്ന് വ്യാഴാഴ്ചകളിൽ പകൽ 12.45നാണ് മടക്ക സർവീസ്. വെള്ളി പുലർച്ചെ 5.45ന് തിരുവനന്തപുരം സെൻട്രൽ റെയിൽവേ സ്റ്റേഷനിലെത്തും.
