ഗുരുവായൂർ : കോൺഗ്രസ് പാർലിമെന്ററി പാർട്ടി യോഗത്തിനു നിൽക്കാതെ ഗുരുവായൂരിലേക്ക് പോയ രമേശ് ചെന്നിത്തലയെ പരോക്ഷമായി വിമർശിച്ച് രാജ് മോഹൻ ഉണ്ണിത്താൻ എംപി.രമേശ് ചെന്നിത്തല പാർട്ടി എല്ലാക്കാലത്തും പരിഗണിച്ചിരുന്നു എന്ന് രാജ് മോഹൻ ഉണ്ണിത്താൻ പറഞ്ഞു.
“രമേശ് ചെന്നിത്തലയ്ക്ക് പാർട്ടി കൊടുക്കേണ്ട എല്ലാ പരിഗണനയും നൽകി. കോൺഗ്രസ് ഹൈക്കമാന്റിന്റെ തീരുമാനം സ്വീകരിക്കാനും സ്വീകരിക്കാതിരിക്കാനും ചെന്നിത്തലയ്ക്ക് അവകാശമുണ്ട്. അദ്ദേഹം ക്യാബിനറ്റിൽ വേണമോ എന്ന് തീരുമാനിക്കേണ്ടത് മുഖ്യമന്ത്രിയും പാർട്ടിയുമാണ്. കേരളത്തിലെ എല്ലാവിധ ജനങ്ങളുടെയും പിന്തുണയും വിശ്വാസവും നിലനിർത്തേണ്ട ഉത്തരവാദിത്വവും പ്രതീക്ഷയും മുഖ്യമന്ത്രിക്കാണ്”.
“കെ സി വേണുഗോപാലും പാർട്ടി തീരുമാനം അംഗീകരിച്ചു, അദ്ദേഹത്തിന്റേത് ആത്മാർഥസ്വരമാണ്. ചെന്നിത്തല അദ്ദേഹത്തിന്റേതായ സമയമെടുത്താണ് പ്രതികരിച്ചത്. ഓരോരുത്തർക്കും ഓരോ ശൈലിയല്ലേ, അതൊന്നും ആര് വിചാരിച്ചാലും മാറ്റാൻ പറ്റില്ല: രാജ് മോഹൻ ഉണ്ണിത്താൻ എംപി പറഞ്ഞു.
