തിരുവനന്തപുരം: സംസ്ഥാനത്ത് പുതിയ ഭരണമാറ്റം പ്രകടമായതോടെ ചലച്ചിത്ര അക്കാദമിയിലും നേതൃമാറ്റത്തിന് വഴിതുറക്കുന്നു. ചെയര്‍മാന്‍ സ്ഥാനത്തുനിന്ന് പ്രശസ്ത ഓസ്‌കാര്‍ ജേതാവ് റസൂല്‍ പൂക്കുട്ടി രാജിവെച്ചു. ചീഫ് സെക്രട്ടറിക്ക് അദ്ദേഹം ഔദ്യോഗികമായി രാജിക്കത്ത് കൈമാറി. ഭരണതലത്തിലെ മാറ്റങ്ങളെത്തുടര്‍ന്ന് അക്കാദമിയുടെ പുനഃസംഘടന ലക്ഷ്യമിട്ടാണ് ഈ നീക്കം.
യു.ഡി.എഫ് അനുകൂല നിലപാടുള്ള പ്രമുഖ സിനിമാ പ്രവര്‍ത്തകരെയാണ് ചലച്ചിത്ര അക്കാദമിയുടെ അടുത്ത അമരക്കാരായി ഇപ്പോള്‍ പരിഗണിക്കുന്നത്. പുതിയ ചെയര്‍മാനെ കണ്ടെത്താനുള്ള ചര്‍ച്ചകള്‍ സജീവമായി പുരോഗമിക്കുകയാണ്. നടന്‍ ജഗദീഷ് 2016-ല്‍ പത്തനാപുരത്ത് യു.ഡി.എഫ് സ്ഥാനാര്‍ത്ഥിയായി മത്സരിച്ച ജഗദീഷിന്റെ പേര് മുന്‍നിരയിലുണ്ട്.
കഴിഞ്ഞ നിയമസഭാ തിരഞ്ഞെടുപ്പില്‍ യു.ഡി.എഫ് മുന്നണിയുടെ പ്രചാരണരംഗത്ത് സജീവ സാന്നിധ്യമായിരുന്നു നടന്‍ സലിം കുമാര്‍. സംവിധായകന്‍ ദീപു കരുണാകരന്‍ പ്രൊഫഷണല്‍ കോണ്‍ഗ്രസ് നേതൃത്വത്തിലുള്ള അദ്ദേഹത്തെയും പ്രധാന ചുമതലകളിലേക്ക് പരിഗണിക്കുന്നുണ്ട്. മുന്‍പ് എല്‍.ഡി.എഫ് സര്‍ക്കാരിന്റെ കാലത്ത് വൈസ് ചെയര്‍മാനായിരുന്ന അദ്ദേഹം, രഞ്ജിത്തിന്റെ രാജിക്ക് ശേഷം താല്ക്കാലിക ചുമതല വഹിച്ചിരുന്നു.
പിന്നീട് ഇടത് മുന്നണിയുമായുള്ള സഹകരണം അവസാനിപ്പിച്ച് അദ്ദേഹം കോണ്‍ഗ്രസില്‍ ചേര്‍ന്നിരുന്നു. അദ്ദേഹത്തെയും ചെയര്‍മാന്‍ സ്ഥാനത്തേക്ക് പരിഗണിക്കുന്നുണ്ട്. നിലവില്‍ ‘അമ്മ’ സംഘടനയുടെ ജനറല്‍ സെക്രട്ടറി കൂടിയായ കുക്കു പരമേശ്വരനാണ് അക്കാദമിയുടെ വൈസ് ചെയര്‍പേഴ്‌സണ്‍. സി. അജോയ് സെക്രട്ടറിയായും പ്രവര്‍ത്തിക്കുന്നു.
നിഖില വിമല്‍, ശ്യാം പുഷ്‌കരന്‍, അമല്‍ നീരദ്, സിത്താര കൃഷ്ണകുമാര്‍, സുധീര്‍ കരമന, സന്തോഷ് കീഴാറ്റൂര്‍, സോഹന്‍ സീനുലാല്‍, സാജു നവോദയ, പൂജപ്പുര രാധാകൃഷ്ണന്‍, ബി. രാകേഷ്, റെജി. എം. ദാമോദരന്‍, മിന്‍ഹാജ് മേഡര്‍, ജി.എസ്. വിജയന്‍, എന്‍. അരുണ്‍, ശ്രീഗണേഷ്. പുതിയ ചെയര്‍മാന്‍ ചുമതലയേല്‍ക്കുന്നതോടെ ഭരണസമിതിയിലും പൂര്‍ണ്ണമായ മാറ്റങ്ങള്‍ ഉണ്ടായേക്കുമെന്നാണ് സൂചനകള്‍.
