കോഴിക്കോട്: നിരോധിത ഭീകരസംഘടന പോപ്പുലർ ഫ്രണ്ടിന്റെ രാഷ്ട്രീയ മുഖമായ എസ്ഡിപിഐ, യങ് ഡമോക്രാറ്റ്സ് എന്ന പേരിൽ യുവജന വിഭാഗത്തിന് തുടക്കം കുറിച്ചതിൽ ആശങ്ക ശക്തമാകുന്നു. പുതിയ സംഘടനയുടെ രൂപീകരണം സാമൂഹിക ഐക്യത്തെയും ബാധിക്കുമോയെന്ന ആശങ്കയാണ് രാഷ്ട്രീയ- സാമൂഹിക നിരീക്ഷകർ പങ്കുവയ്ക്കുന്നത്.
കൂടുതൽ മുസ്ലിം യുവാക്കളെ രാഷ്ട്ര വിരുദ്ധ പ്രവർത്തനങ്ങളിലേക്ക് വഴിതിരിച്ചുവിടാനുള്ള നീക്കമാണെന്നും ആരോപണമുണ്ട്. മെയ് 15 നാണ് ഡൽഹിയിൽ യങ് ഡമോക്രാറ്റ്സ് ഔദ്യോഗികമായി ആരംഭിച്ചത്. മെയ് 20 ന് തിരുവനന്തപുരം അയ്യങ്കാളി ഹാളിൽ സ്റ്റേറ്റ് യൂത്ത് അസംബ്ലി ഇവർ സംഘടിപ്പിച്ചിരുന്നു. ദളിത് വിഷയങ്ങൾ അടക്കം ഏറ്റെടുത്ത് സമൂഹത്തിന്റെ ശ്രദ്ധ പിടിച്ചു പറ്റാനും ഇക്കൂട്ടർ ശ്രമിക്കുന്നുണ്ട്. യുവാക്കളെ ആകർഷിക്കാനായി സോഷ്യൽ മീഡിയയിലും ഇവർ സജീവമാണ്.
രാജ്യവിരുദ്ധ പ്രവർത്തനം കണ്ടെത്തിതിനെ തുടർന്നാണ് 2022ൽ പിഎഫ്ഐയെ കേന്ദ്രസർക്കാർ നിരോധിച്ചത്. 2009ൽ എസ്ഡിപിഐ രൂപം കൊണ്ടിരുന്നെങ്കിലും പിഎഫ്ഐ നിരോധനത്തിന് പിന്നാലെയാണ് പ്രവർത്തനം ശക്തമാക്കിയത്. പിന്നാലെ എസ്ഡിപിഐ രാഷ്ട്രീയ മുഖംമുടിയണിഞ്ഞ് പൊതുസമൂഹത്തിന് ഇറങ്ങികയായിരുന്നു. ഇതിന്റെ അടുത്തഘട്ടം എന്ന നിലയിലാണ് യുവജന വിഭാഗം എന്ന പേരിൽ യങ് ഡമോക്രാറ്റ്സ് ആരംഭിച്ചിരിക്കുന്നത്.
.
