ന്യൂഡൽഹി: തൃശ്ശൂരിലെ ലോക്സഭാംഗത്വം ചോദ്യംചെയ്തുള്ള തിരഞ്ഞെടുപ്പ് ഹർജിക്കെതിരായ സുരേഷ് ഗോപിയുടെ അപ്പീലിൽ സുപ്രീംകോടതി നോട്ടീസ്. ഹർജി നിലനിൽക്കുമെന്ന ഹൈക്കോടതി ഉത്തരവിനെതിരെയാണ് അപ്പീൽ. ജസ്റ്റിസ് പി.എസ്.നരസിംഹ അധ്യക്ഷനായ ബെഞ്ചാണ് നോട്ടീസയച്ചത്.ഹൈക്കോടതി ഉത്തരവ് സ്റ്റേ ചെയ്യണമെന്ന ആവശ്യത്തിലും സുപ്രീം കോടതി നോട്ടീസ് അയച്ചു.
ഹർജി ജൂലൈ 27ന് വീണ്ടും പരിഗണിക്കും.സുരേഷ് ഗോപിക്കുവേണ്ടി സീനിയർ അഭിഭാഷകരായ ധാമ ശേഷാദ്രി നായിഡു, കെ. രാംകുമാർ അഭിഭാഷകരായ ബീനാ മാധവൻ, ബി.എൻ. ശിവശങ്കർ, വിഷ്ണു ബി. കുറുപ്പ് എന്നിവർ ഹാജരായി.
