തിരുവനന്തപുരം: ബംഗ്ലാദേശ് ഭീകരൻ പത്തനംതിട്ടയിൽ വിലസിയ സംഭവത്തിൽ അന്വേഷണം ആരംഭിച്ച് ഭീകര വിരുദ്ധ സേന. ജൂവൽ കിംഗ് എന്ന ബംഗ്ലാദേശി പത്തനംതിട്ട കോയിപ്രത്ത് അഞ്ച് വർഷത്തോളമാണ് വിലസിയത്. കോയിപ്രം പഞ്ചായത്തിലെ പൂവത്തൂർകുന്നം, നെല്ലിക്കൽ മേഖലകളിലാണ് ഇയാൾ ഇതരസംസ്ഥാന തൊഴിലാളിയായി കഴിഞ്ഞത്. നിലവിൽ ഇയാൾ പത്തനംതിട്ടയിൽ നിന്ന് കടന്നു കളഞ്ഞിരിക്കുകയാണ്.
നിർമ്മാണ മേഖലയിലാണ് ജൂവൽ കിംഗ് ജോലി ചെയ്തിരുന്നത്. കൊൽക്കത്തയാണ് നാട് എന്നായിരുന്നു ഇയാൾ നാട്ടുകാരോട് പറഞ്ഞിരുന്നത്. ജോലി സ്ഥലത്തും അധികം ആരോടും സംസാരിക്കാറില്ല. ഫോണിൽ ഖുറാൻ വചനങ്ങൾ കേട്ടു കൊണ്ടാണ് ജോലി ചെയ്യാറെന്നും അടുത്ത അറിയാവുന്ന ആളുകൾ പറയുന്നു. അടുത്തിടെ ഇയാളെ ഫോണിൽ ലഭ്യമായിരുന്നില്ല. തുടർന്ന് കരാറുകാരൻ വാട്സ്ആപ്പിൽ ബന്ധപ്പെടാൻ ശ്രമിച്ചപ്പോഴാണ് ബംഗ്ലാദേശ് പതാകയ്ക്കൊപ്പമുള്ള പ്രൊഫൈൽ ശ്രദ്ധയിൽപ്പെട്ടത്. ബംഗ്ലാദേശ് പാർലമെന്റും അവിടത്തെ ദേശീയ പ്രതീകങ്ങളും ഇതിൽ കാണാം. തുടർന്ന് അധികൃതരെ വിവരം അറിയിക്കുകയായിരുന്നു.
വാട്സ് ആപ്പ് സ്റ്റാറ്റസിൽ ഭാരത വിരുദ്ധ ചിത്രങ്ങൾ ഇയാൾ പതിവായി പോസ്റ്റ് ചെയ്തിരുന്നു. ഭാരതത്തിന്റെ ഭൂപടത്തിന് നേരെ എകെ. 47 തോക്ക് ചൂണ്ടി നിൽക്കുന്നതാണ് നിലവിലെ സ്റ്റാറ്റസ്. തുടർന്ന് നടത്തിയ പ്രാഥമിക പരിശോധനയിലാണ് ബംഗ്ലാദേശിയാണന്ന് തിരിച്ചറിഞ്ഞത്.
