കണ്ണൂർ: സിപിഎം കണ്ണൂർ ജില്ലാ സെക്രട്ടറി കെ. കെ രാഗേഷിനെതിരെ സാമൂഹ്യ മാധ്യമങ്ങളിൽ വിമർശനം. അന്തരിച്ച മുതിർന്ന സിപിഎം നേതാവ് എ. വി ബാലന് അന്ത്യാഭിവാദ്യം അർപ്പിച്ചുള്ള പോസ്റ്റിലാണ് വിമർശനം. സിപിഎം അനുകൂലികൾ തന്നെയാണ് രാഗേഷിനെതിരെ പരസ്യമായി രംഗത്ത് വന്നിരിക്കുന്നത്.
മുൻ പാനൂർ ഏരിയ സെക്രട്ടറിയും മുതിർന്ന നേതാവുമായ ബാലനെ അനുസ്മരിച്ച് രണ്ട് വാക്ക് എഴുതാൻ സമയമില്ലേയെന്ന് കമന്റുകൾ. രാഗേഷ് ജില്ലാ സെക്രട്ടറി സ്ഥാനത്ത് നിന്ന് സ്വയം ഒഴിഞ്ഞുപോകണം എന്ന തരത്തിലുള്ള കമൻറുകളാണ് കൂടുതൽ.
അന്തിമോപചാരം അർപ്പിക്കുന്ന ഫോട്ടോ രാഗേഷ് പോസ്റ്റ് ചെയ്തിരുന്നു. ഇതിന് താഴെയാണ് വിമർശനം ഉന്നയിച്ചുള്ള കമന്റുകൾ എത്തിയത്, രാഗേഷിനെ അനുകൂലിച്ച് രംഗത്തെത്തിയ എ. എൻ ഷംസീർ, കാരായി രാജൻ ഉൾപ്പെടെയുള്ള ആളുകളുടെ ഫേസ്ബുക്ക് പോസ്റ്റിലും രാഗേഷിനെതിരെയുളള വിമർശനം കൊണ്ട് നിറയുകയാണ്.
