എം. പത്മകുമാർ സംവിധാനം ചെയ്യുന്ന പുതിയ ചിത്രം **‘ഉയിർ’**ന്റെ സെക്കൻഡ് ലുക്ക് പോസ്റ്റർ പുറത്തിറങ്ങി. റോഷൻ മാത്യു, ബൈജു സന്തോഷ്, ‘രാഷസൻ’ എന്ന തമിഴ് ചിത്രത്തിലൂടെ ശ്രദ്ധേയനായ വിനോദ് സാഗർ, ശ്രുതി മേനോൻ എന്നിവരുടെ കഥാപാത്ര ലുക്കുകളാണ് പുതിയ പോസ്റ്ററിലൂടെ പ്രേക്ഷകരിലേക്ക് എത്തിയത്.
ജൂൺ 26ന് തിയേറ്ററുകളിൽ എത്തുന്ന ചിത്രത്തിന്റെ പ്രമോഷന്റെ ഭാഗമായാണ് പുതിയ പോസ്റ്റർ പുറത്തുവിട്ടിരിക്കുന്നത്.
വൗ സിനിമാസിന്റെ ബാനറിൽ സന്തോഷ് ത്രിവിക്രമൻ നിർമ്മിക്കുന്ന ചിത്രം, ഒരു തികഞ്ഞ പോലീസ് സ്റ്റോറിയുടെ ചലച്ചിത്രാവിഷ്ക്കാരമായി അവതരിപ്പിക്കപ്പെടുന്നു. യഥാർത്ഥ സംഭവങ്ങളെ അടിസ്ഥാനമാക്കി മലബാറിൽ നടന്ന ഒരു കേസിന്റെ പശ്ചാത്തലത്തിലാണ് കഥ പുരോഗമിക്കുന്നത്. പൂർണ്ണമായും റിയലിസ്റ്റിക് ടോണിൽ അവതരിപ്പിക്കുന്ന ഒരു ഇമോഷണൽ ക്രൈം ത്രില്ലർ ഡ്രാമയാണ് ‘ഉയിർ’.
ഇൻസ്പെക്ടർ അൻഷാദിന്റെ മുഖ്യകഥയെ ആസ്പദമാക്കി ഷാജി മാറാടും നിഖിൽ കെ. മേനോനും ചേർന്നാണ് തിരക്കഥ ഒരുക്കിയിരിക്കുന്നത്.
റോഷൻ മാത്യു നായക കഥാപാത്രത്തെ അവതരിപ്പിക്കുന്ന ചിത്രത്തിൽ ശ്രുതി മേനോൻ ആണ് നായിക. ബൈജു സന്തോഷ്, അതുല്യ ചന്ദ്രൻ, വിനീത് തട്ടിൽ, ഷാജു ശ്രീധർ എന്നിവർക്കൊപ്പം തമിഴ്–മലയാളം മേഖലകളിലെ ശ്രദ്ധേയ താരങ്ങളായ ഹരീഷ്, വിനോദ് സാഗർ എന്നിവരും ബോളിവുഡ് താരങ്ങളായ സെയ്യാമി ഖേർ, മഹേഷ് ഷെട്ടി എന്നിവരും പ്രധാന വേഷങ്ങളിലെത്തുന്നു. മാസ്റ്റർ ആര്യൻ എസ്. പൂജാരി, ബേബി മിത്ര സഞ്ജയ് എന്നിവരും ചിത്രത്തിന്റെ ഭാഗമാണ്.
ഷിബു ചക്രവർത്തി, സന്തോഷ് വർമ്മ എന്നിവരുടെ വരികൾക്ക് മണികണ്ഠൻ അയ്യപ്പ സംഗീതം പകർന്നിരിക്കുന്നു.
ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റിംഗ് രഞ്ജൻ എബ്രഹാം, കലാസംവിധാനം സാബുറാം, മേക്കപ്പ് പി.വി. ശങ്കർ, വസ്ത്രാലങ്കാരം അയിഷ സഫീർസേട്ട് എന്നിവരാണ് നിർവഹിക്കുന്നത്. നിശ്ചല ഛായാഗ്രഹണം ശ്രീജിത്ത് ചെട്ടിപ്പടി, ഡിസൈൻ കൊളിൻസ്.
കെ.ജെ. വിനയൻ ചീഫ് അസോസിയേറ്റ് ഡയറക്ടറായും, പ്രസാദ് യാദവ്, ഗോപൻ കുറ്റ്യാനിക്കാട്, സജി മുണ്ടൂർ എന്നിവർ അസോസിയേറ്റ് ഡയറക്ടർമാരായും പ്രവർത്തിക്കുന്നു. ആകാശ് എം., കിരൺ ചന്ദ്രശേഖരൻ, രാഹുൽ, ഉണ്ണി വരദം എന്നിവർ സഹസംവിധാനത്തിൽ പ്രവർത്തിക്കുന്നു.
കൂർഗ്, കണ്ണൂർ, തലശ്ശേരി, മുംബൈ, പാലക്കാട്, എറണാകുളം തുടങ്ങിയ സ്ഥലങ്ങളിലായി ചിത്രീകരണം പൂർത്തിയായ ഈ ചിത്രം തിയേറ്ററുകളിൽ എത്തിക്കുന്നത് വൗ സിനിമാസാണ്.