കണ്ണൂര്: പെരിങ്ങോം മേഖലയില് 17 വയസുകാരിയെ പീഡിപ്പിക്കാന് ശ്രമിച്ചെന്ന പരാതിയില് സിപിഎം പ്രവര്ത്തകനെ പൊലീസ് അറസ്റ്റ് ചെയ്തു. നെല്ലൂര് സ്വദേശിയായ ഹരീഷ് നെല്ലൂരിനെയാണ് പോക്സോ നിയമപ്രകാരം കസ്റ്റഡിയിലെടുത്തത്.
കഴിഞ്ഞ വ്യാഴാഴ്ചയാണ് കേസിന് ആസ്പദമായ സംഭവം നടന്നതെന്നാണ് പൊലീസ് പറയുന്നത്. പ്രായപൂര്ത്തിയാകാത്ത പെണ്കുട്ടിയെ ലൈംഗികമായി ഉപദ്രവിക്കാന് ശ്രമിച്ചുവെന്ന പരാതിയെ തുടര്ന്നാണ് അന്വേഷണം ആരംഭിച്ചത്.
പരാതിക്കാരിയുടെ മൊഴിയുടെയും പ്രാഥമിക അന്വേഷണത്തിന്റെയും അടിസ്ഥാനത്തില് ഹരീഷ് നെല്ലൂരിനെ അറസ്റ്റ് ചെയ്തതായി പൊലീസ് അറിയിച്ചു. പ്രതിക്കെതിരെ പോക്സോ നിയമപ്രകാരമുള്ള വകുപ്പുകള് ചുമത്തി തുടര്നടപടികള് പുരോഗമിക്കുകയാണ്.
സംഭവത്തിന്റെ കൂടുതല് സാഹചര്യങ്ങളും മറ്റ് തെളിവുകളും ശേഖരിച്ച് അന്വേഷണം തുടരുകയാണെന്ന് അന്വേഷണ ഉദ്യോഗസ്ഥര് അറിയിച്ചു.