കോഴിക്കോട്: കോഴിക്കോട് കൊയിലാണ്ടിയിൽ യുവതിയെ വീട്ടിനുള്ളിൽ ജീവനൊടുക്കിയ നിലയിൽ കണ്ടെത്തി. കൊയിലാണ്ടി അരിക്കുളം വാകമോളി പെരുമ്പോക്ക് വയൽ ഹൗസിലാണ് സംഭവം.
വിജിലിന്റെ ഭാര്യയായ അപർണ (24) യെയാണ് വീട്ടിലെ മുറിയിൽ തൂങ്ങിമരിച്ച നിലയിൽ കണ്ടെത്തിയത്. രാവിലെ 11.30 ഓടെയായിരുന്നു സംഭവം നടന്നതെന്ന് വിവരം.
സംഭവം ശ്രദ്ധയിൽപ്പെട്ട ഉടൻ തന്നെ പ്രദേശവാസികൾ വിവരം അധികൃതരെ അറിയിച്ചു. പൊലീസ് സ്ഥലത്തെത്തി തുടർനടപടികൾ സ്വീകരിച്ചു.
മൃതദേഹം കോഴിക്കോട് മെഡിക്കൽ കോളജ് ആശുപത്രിയിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.
അച്ഛൻ: അനീഷ്
അമ്മ: സോണിയ
മക്കൾ: തൻഷിക, നൈഷിക
സംഭവത്തിൽ അസ്വാഭാവിക മരണത്തിന് കേസെടുത്ത് പൊലീസ് അന്വേഷണം ആരംഭിച്ചിട്ടുണ്ട്.
