കോഴിക്കോട്: ബാലുശ്ശേരിയിൽ യുവതിയെയും ഏഴുവയസുകാരൻ മകനെയും കാണാതായതായി പരാതി. ബാലുശ്ശേരി സ്വദേശി ഷഹല ഷെറിൻ, മകൻ മുഹമ്മദ് ഐമൻ (7) എന്നിവരെയാണ് കാണാതായത്.
ഈ മാസം 16 മുതലാണ് ഇരുവരെയും കാണാതായതെന്ന് ബന്ധുക്കൾ അറിയിച്ചു. അടിവാരം സ്വദേശികളായ അഷ്റഫ്-ജസ്ന ദമ്പതികളുടെ മകളാണ് ഷഹല ഷെറിൻ. വീട്ടിൽ നിന്ന് പോകുമ്പോൾ വസ്ത്രങ്ങളും ആഭരണങ്ങളും യുവതി എടുത്തിരുന്നതായി ഭർത്താവ് ജയ്സൽ പൊലീസിന് മൊഴി നൽകി. തുടർന്ന് ജയ്സലിന്റെ പരാതിയിൽ ബാലുശ്ശേരി പൊലീസ് കേസെടുത്ത് അന്വേഷണം ആരംഭിച്ചു.
യുവതിയെയും കുട്ടിയെയും കുറിച്ച് എന്തെങ്കിലും വിവരം ലഭിക്കുന്നവർ അടുത്തുള്ള പൊലീസ് സ്റ്റേഷനിലോ ബാലുശ്ശേരി പൊലീസിലോ അറിയിക്കണമെന്ന് അധികൃതർ അറിയിച്ചു.
