മൂവാറ്റുപുഴ: എറണാകുളം മൂവാറ്റുപുഴ വാളകത്ത് ഒമ്പതാം ക്ലാസ് വിദ്യാർത്ഥിക്ക് സഹപാഠികളുടെ ക്രൂരമർദനം. സ്കൂളിൽ ഉണ്ടായ തർക്കത്തെ തുടർന്നാണ് അഞ്ചംഗ സംഘം വിദ്യാർത്ഥിയെ ആക്രമിച്ചതെന്നാണ് വിവരം.
മർദ്ദനത്തിൽ വിദ്യാർത്ഥിയുടെ മുഖത്തും തലയിലും അടക്കം പരിക്കേറ്റു. ആക്രമണത്തിനറെ ദൃശ്യങ്ങൾ പുറത്തുവന്നിട്ടുണ്ട്. ആക്രമിച്ചവർ തന്നെ വീഡിയോ സമൂഹമാധ്യമങ്ങളിലൂടെ പ്രചരിപ്പിച്ചതായും വിവരമുണ്ട്. സംഭവത്തിന്റെ ഗൗരവം കണക്കിലെടുത്ത് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ആക്രമണത്തിൽ പങ്കെടുത്ത അഞ്ചംഗ സംഘത്തെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. സംഭവത്തിന്റെ പശ്ചാത്തലവും വീഡിയോ പ്രചരിപ്പിച്ചതുമായി ബന്ധപ്പെട്ട വിവരങ്ങളും പോലീസ് പരിശോധിച്ചുവരികയാണ്.
