മഡ്രിഡ്: ഫുട്ബോള് ലോകകപ്പ് ജേതാക്കളായ സ്പെയിന് ക്രിക്കറ്റ് ലോകത്തും ചരിത്രം കുറിക്കുന്നു. അന്താരാഷ്ട്ര ടി20 ക്രിക്കറ്റില് തുടര്ച്ചയായ 21 വിജയങ്ങള് സ്വന്തമാക്കി ഓസ്ട്രേലിയയുടെ എക്കാലത്തെയും മികച്ച വിജയ റെക്കോര്ഡ് സ്പെയിന് മറികടന്നു. യൂറോപ്പ് സബ്-റീജിയണല് ക്വാളിഫയര് സി മത്സരത്തില് ഫിന്ലന്ഡിനെ എട്ട് വിക്കറ്റിന് തോല്പ്പിച്ചതോടെയാണ് സ്പെയിന് ചരിത്രനേട്ടത്തിലെത്തിയത്.
കഴിഞ്ഞ മൂന്ന് വര്ഷമായി അന്താരാഷ്ട്ര ടി20 മത്സരങ്ങളില് തോല്വിയറിയാതെയാണ് സ്പെയിന്റെ കുതിപ്പ്. റിക്കി പോണ്ടിങ്ങിന്റെ നേതൃത്വത്തിലുള്ള ഓസ്ട്രേലിയ 2003ല് സ്വന്തമാക്കിയ 20 തുടര് വിജയങ്ങളുടെ റെക്കോര്ഡാണ് സ്പെയിന് മറികടന്നത്. ഐസിസി ടി20 റാങ്കിങ്ങില് 28-ാം സ്ഥാനത്തുള്ള സ്പെയിനിന് ഈ വിജയനിര 2028ലെ ടി20 ലോകകപ്പിലേക്കുള്ള യോഗ്യതാ പ്രതീക്ഷകളും ശക്തമാക്കിയിട്ടുണ്ട്.
2019 ജനുവരി മുതല് കളിച്ച 50 ടി20 മത്സരങ്ങളില് 41 എണ്ണത്തിലും സ്പെയിന് വിജയിച്ചു. എട്ട് മത്സരങ്ങളില് മാത്രമാണ് തോല്വി വഴങ്ങിയത്. ഫുട്ബോള് മൈതാനത്തെ ആധിപത്യത്തിന് പിന്നാലെ ക്രിക്കറ്റ് പിച്ചിലും കരുത്ത് തെളിയിക്കുന്ന സ്പെയിന്, അന്താരാഷ്ട്ര ക്രിക്കറ്റിലെ വളര്ന്നുവരുന്ന ടീമുകളിലൊന്നായി മാറുകയാണ്.
