പാലക്കാട്: നീന്തൽക്കുളത്തിൽ വീണ് അഞ്ച് വയസുകാരന് ദാരുണാന്ത്യം. കൊടുങ്ങല്ലൂർ സ്വദേശി ബിനാഫിന്റെ മകൻ റിഹാൻ അഹമ്മദാണ് മരിച്ചത്. പാലക്കാട് കോട്ടായിയിലെ സ്വകാര്യ റിസോർട്ടിലായിരുന്നു അപകടം.
ഇന്നലെ വൈകിട്ട് നാലുമണിയോടെയാണ് സംഭവം. റിസോർട്ടിൽ കളിക്കുന്നതിനിടെ കുട്ടി കാൽവഴുതി നീന്തൽക്കുളത്തിലേക്ക് വീഴുകയായിരുന്നു.
ഉടൻ തന്നെ കുട്ടിയെ കരയിലെത്തിച്ച് സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
