മാധാപുര്: ഹൈദരാബാദിലെ മാധാപുര് അഞ്ജയ്യ നഗറില് നിര്മാണത്തിലിരുന്ന ഏഴുനില കെട്ടിടം തകര്ന്നുവീണ് രണ്ട് പേര് മരിച്ചു. അപകടത്തില് നിരവധി പേര്ക്ക് പരിക്കേറ്റു. ശനിയാഴ്ച ഉച്ചകഴിഞ്ഞ് രണ്ടുമണിയോടെയാണ് അപകടമുണ്ടായത്. തകര്ന്ന കെട്ടിടത്തിന്റെ അവശിഷ്ടങ്ങള്ക്കിടയില് കുടുങ്ങിയവരെ കണ്ടെത്തുന്നതിനും രക്ഷപ്പെടുത്തുന്നതിനുമായി പ്രാദേശിക പൊലീസും ദുരന്തനിവാരണ സേനയും ചേര്ന്ന് രക്ഷാപ്രവര്ത്തനം തുടരുകയാണ്. അവശിഷ്ടങ്ങള് നീക്കം ചെയ്യുന്നതിനുള്ള നടപടികള് വേഗത്തില് പുരോഗമിക്കുകയാണെന്ന് സൈബരാബാദ് പൊലീസ് അറിയിച്ചു.
കെട്ടിടത്തിന് നിര്മാണ അനുമതി ഉണ്ടായിരുന്നില്ലെന്നും ഇക്കാര്യം നേരത്തെ തന്നെ ഉദ്യോഗസ്ഥരുടെ ശ്രദ്ധയില്പ്പെടുത്തിയിരുന്നെന്നും കോണ്ഗ്രസ് എംഎല്എ അരേകപുടി ഗാന്ധി ആരോപിച്ചു. നിയമവിരുദ്ധ നിര്മാണം ഉദ്യോഗസ്ഥര് നാല് മാസത്തോളം തടഞ്ഞിരുന്നെങ്കിലും അടുത്തിടെ വീണ്ടും നിര്മാണം ആരംഭിച്ചെന്നും അദ്ദേഹം പറഞ്ഞു. ഏഴുനില കെട്ടിടത്തിന് സമീപത്തെ കെട്ടിടത്തിലേക്ക് സെല്ലാര് നിര്മാണം വ്യാപിപ്പിക്കാന് നടത്തിയ ശ്രമമാണ് അപകടത്തിന് കാരണമായതെന്നും എംഎല്എ ആരോപിച്ചു. ശേരിലിംഗമ്പള്ളി മേഖലയില് സമാനമായ നിരവധി നിയമവിരുദ്ധ നിര്മാണങ്ങള് നടക്കുന്നുണ്ടെന്നും ഇത്തരം നിര്മാണങ്ങളുടെ അപകടസാധ്യത സംബന്ധിച്ച് ജനങ്ങള് ജാഗ്രത പാലിക്കണമെന്നും അദ്ദേഹം ആവശ്യപ്പെട്ടു. പ്രദേശത്ത് രക്ഷാപ്രവര്ത്തനം തുടരുകയാണ്.