തിരുവനന്തപുരം: ഓണാഘോഷത്തിനിടെ ജയിൽ ജീവനക്കാർ തമ്മിൽ ഏറ്റുമുട്ടൽ. പൂജപ്പുര സെൻട്രൽ ജയിൽ വളപ്പിലാണ് ജയിൽ ജീവനക്കാരുടെ ഓണാഘോഷത്തിനിടെ സംഘർഷമുണ്ടായത്.
ജയിൽ ജീവനക്കാരുടെ സംഘടനയുടെ മേഖലാ ഓണാഘോഷത്തിന്റെ ഭാഗമായാണ് പരിപാടി സംഘടിപ്പിച്ചത്. ആഘോഷങ്ങളുടെ ഭാഗമായി ഡി.ജെ പാർട്ടിയും സംഘടിപ്പിച്ചിരുന്നു. ഇതിനിടെയാണ് ജീവനക്കാർ തമ്മിൽ വാക്കുതർക്കവും തുടർന്ന് അടിപിടിയും ഉണ്ടായത്.
സംഘർഷത്തിൽ ഒരു ജയിൽ ജീവനക്കാരന് പരിക്കേറ്റു. കണ്ണിനാണ് പരിക്കേറ്റതെന്നാണ് നിലവിൽ ലഭിക്കുന്ന വിവരം. പരിക്കേറ്റ ജീവനക്കാരന് ചികിത്സയും തേടിയതായി സൂചനയുണ്ട്.
