ഇസ്ലാമാബാദ്: പാകിസ്ഥാൻ തലസ്ഥാനമായ ഇസ്ലാമാബാദിലെ സർക്കാർ ആശുപത്രിയിൽ ഉണ്ടായ തീപിടിത്തത്തിൽ 15 നവജാത ശിശുക്കൾ മരിച്ചു. പാകിസ്ഥാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആശുപത്രിയിലാണ് ദാരുണമായ സംഭവം.
ഗൈനക്കോളജി വാർഡിൽ 16 നവജാത ശിശുക്കളാണ് ഉണ്ടായിരുന്നത്. തീപിടിത്തത്തിൽ 15 കുഞ്ഞുങ്ങൾ മരിക്കുകയും ഒരാളെ രക്ഷപ്പെടുത്തുകയും ചെയ്തതായി പ്രാദേശിക മാധ്യമമായ ജിയോ ടിവി റിപ്പോർട്ട് ചെയ്തു.
ആശുപത്രിയിലെ വാർഡിന്റെ എയർ കണ്ടീഷനറിന്റെ കംപ്രസർ പൊട്ടിത്തെറിച്ചതിനെ തുടർന്നാണ് തീപിടിത്തമുണ്ടായതെന്നാണ് രക്ഷാപ്രവർത്തകർ നൽകുന്ന വിവരം.