തിരുവനന്തപുരം: പതിവുപോലെ ഇത്തവണയും ഓണക്കാലത്ത് ബെവ്കോയുടെ മദ്യവില്പ്പനയില് വന് വര്ധന. ഓണക്കാലത്തെ എട്ട് ദിവസങ്ങളിലായി 771.29 കോടി രൂപയുടെ മദ്യമാണ് ബെവ്കോ വിറ്റത്. കഴിഞ്ഞ വര്ഷം ഇതേ കാലയളവില് 694.96 കോടി രൂപയുടെ വില്പ്പനയാണ് നടന്നത്. ഇതുമായി താരതമ്യം ചെയ്യുമ്പോള് ഇത്തവണ 77 കോടിയോളം രൂപയുടെ വര്ധനയാണ് രേഖപ്പെടുത്തിയത്.
ഉത്രാട നാളില് മാത്രം 126.31 കോടി രൂപയുടെ മദ്യവില്പ്പന നടന്നു. തിരുവോണ ദിനത്തില് ബെവ്കോ അവധിയായതിനാല് വില്പ്പന നടന്നില്ല. ഓണക്കാലത്ത് സംസ്ഥാനത്തെ ബെവ്കോ ഔട്ട്ലെറ്റുകളില് വില്പ്പന ഉയര്ന്നതോടെയാണ് ആകെ വരുമാനത്തിലും വലിയ വര്ധന രേഖപ്പെടുത്തിയത്.