ന്യൂഡല്ഹി: പ്രധാനമന്ത്രി നരേന്ദ്ര മോദിയുടെ ഭരണകാലത്ത് സാധാരണക്കാരില് ആത്മവിശ്വാസം വര്ധിച്ചുവെന്ന് മുന് കേരള ഗവര്ണറും മുന് കേന്ദ്രമന്ത്രിയുമായ ആരിഫ് മുഹമ്മദ് ഖാന്. ഉയര്ന്ന പദവികളിലെത്താന് സമ്പന്നമായോ പ്രമുഖമായോ കുടുംബത്തില് ജനിക്കണമെന്നില്ലെന്ന ബോധ്യം ജനങ്ങളില് ശക്തമായെന്നും അദ്ദേഹം പറഞ്ഞു. ഗുജറാത്ത് മുഖ്യമന്ത്രിയായിരുന്ന കാലം മുതല് പ്രധാനമന്ത്രിയായ ശേഷമുള്ള മോദിയുടെ ഭരണകാലം പരിശോധിക്കുമ്പോള് സാധാരണക്കാരില് വലിയ ആത്മവിശ്വാസമാണ് വളര്ന്നുവന്നതെന്ന് ആരിഫ് മുഹമ്മദ് ഖാന് പറഞ്ഞു.
”ഉന്നത പദവിയിലെത്താന് സമ്പന്നമായതോ പ്രമുഖമായതോ ആയ കുടുംബത്തില് ജനിക്കേണ്ടതില്ല. കഴിവും മെറിറ്റും ഉണ്ടെങ്കില് ഉയര്ന്ന പദവികളിലെത്താന് സാധിക്കും എന്ന ബോധ്യം സാധാരണക്കാരില് വളര്ന്നു,” എന്നായിരുന്നു അദ്ദേഹത്തിന്റെ വാക്കുകള്. സാധാരണക്കാരില് വളര്ന്ന ഈ ആത്മവിശ്വാസം ജനാധിപത്യത്തെ കൂടുതല് ശക്തിപ്പെടുത്തുന്നുവെന്നും ആരിഫ് മുഹമ്മദ് ഖാന് അഭിപ്രായപ്പെട്ടു. കഴിവിന്റെ അടിസ്ഥാനത്തില് മുന്നേറാന് അവസരമുണ്ടെന്ന വിശ്വാസം ജനങ്ങളില് രൂപപ്പെടുന്നത് ജനാധിപത്യത്തിന് നല്കുന്ന വലിയ കരുത്താണെന്നും അദ്ദേഹം പറഞ്ഞു.
