കണ്ണൂർ: തയ്യിലിൽ വീട്ടിൽ നിന്ന് മോഷണം പോയ സ്വർണാഭരണങ്ങളിൽ 15 പവൻ വീട്ടുപരിസരത്ത് നിന്ന് കണ്ടെത്തി. വീടിന്റെ ഗെയ്റ്റിൽ സഞ്ചിയിൽ തൂക്കിയിട്ട നിലയിലാണ് സ്വർണം കണ്ടെത്തിയത്.
വീട്ടുകാർ പുറത്തുപോയി തിരികെ എത്തിയപ്പോഴാണ് ഗെയ്റ്റിൽ സഞ്ചി തൂക്കിയിട്ടിരിക്കുന്നത് ശ്രദ്ധയിൽപ്പെട്ടത്. തുടർന്ന് നടത്തിയ പരിശോധനയിലാണ് സഞ്ചിക്കുള്ളിൽ സ്വർണം കണ്ടെത്തിയത്. വീട്ടുകാർ ഉടൻ പൊലീസിനെ വിവരം അറിയിച്ചു.
ഈ മാസം ആദ്യമാണ് തയ്യിൽ സ്വദേശി പ്രസന്നയുടെ വീട്ടിലെ കിടപ്പുമുറിയിലെ അലമാരയിൽ നിന്ന് 21¼ പവൻ സ്വർണാഭരണങ്ങൾ മോഷണം പോയത്. സംഭവത്തിൽ പൊലീസ് അന്വേഷണം തുടരുന്നതിനിടെയാണ് മോഷണം പോയ സ്വർണത്തിൽ 15 പവൻ വീട്ടുപരിസരത്ത് നിന്ന് കണ്ടെത്തിയത്.
