ഗുരുവായൂർ: മറ്റം നമ്പഴിക്കാട് ആച്ചിയിൽ വീട്ടിൽ അമ്മയെയും മകളെയും തൂങ്ങിമരിച്ച നിലയിൽ കണ്ടെത്തി. രാധ (65), മകൾ ഷീജ (45) എന്നിവരാണ് മരിച്ചത്. ഇന്ന് ഉച്ചയോടെയാണ് സംഭവം ബന്ധുക്കളുടെ ശ്രദ്ധയിൽപ്പെട്ടത്. വീട്ടിലെ ഹാളിലും അടുക്കളയിലുമായാണ് ഇരുവരെയും തൂങ്ങിമരിച്ച നിലയിൽ കണ്ടെത്തിയത്.
ഷീജയുടെ മകനും അയൽവാസികളും ചേർന്ന് ഇരുവരെയും കുന്നംകുളത്തെ സ്വകാര്യ ആശുപത്രികളിൽ എത്തിച്ചെങ്കിലും മരണം സംഭവിച്ചിരുന്നു. ആറ് വർഷം മുൻപാണ് കുടുംബം നമ്പഴിക്കാട്ട് താമസം ആരംഭിച്ചത്. സാമ്പത്തിക ബാധ്യതയും കുടുംബപ്രശ്നങ്ങളുമാണ് മരണത്തിന് പിന്നിലെന്നാണ് പൊലീസിന്റെ പ്രാഥമിക നിഗമനം. ഗുരുവായൂർ പൊലീസ് മേൽനടപടികൾ സ്വീകരിച്ചു.
