ആദ്യ ബൈക്ക്, പക്ഷേ റിസ്കിൽ വിട്ടുവീഴ്ചയില്ല; പ്രീമിയം മാത്രം നോക്കാതെ കവറേജും ക്ലെയിമും പരിശോധിക്കും; ഇൻഷുറൻസിനെ ഗൗരവമായി കാണുന്ന പുതിയ തലമുറ

ഡീലർ പറയുന്നത് മാത്രം കേട്ട്  ഇൻഷൂറൻസ് എടുക്കുന്ന കാലം മാറി… മുമ്പ് ഷോറൂമിലെത്തി ഇഷ്ടപ്പെട്ട മോഡൽ തിരഞ്ഞെടുത്ത്, ഡീലർ പറയുന്ന ഇൻഷുറൻസ് എടുത്ത് വീട്ടിലേക്ക് മടങ്ങുന്നതായിരുന്നു പതിവെങ്കിൽ, ഇന്നത്തെ തലമുറ അങ്ങനെയല്ല. ഇരുചക്ര വാഹനം വാങ്ങുന്നതിന് മുമ്പേ വിലയും മൈലേജും മാത്രമല്ല, ഇൻഷുറൻസ് പ്രീമിയം, കവറേജ്, ക്ലെയിം നടപടികൾ, മോഷണസാധ്യത തുടങ്ങി പല കാര്യങ്ങളും പരിശോധിച്ചാണ് തീരുമാനമെടുക്കുന്നത്. ആദ്യമായി ബൈക്ക് സ്വന്തമാക്കുന്ന യുവാക്കൾക്കിടയിൽ റിസ്കിനെക്കുറിച്ചുള്ള ഈ പുതിയ ബോധമാണ് ഇപ്പോൾ ശ്രദ്ധേയമാകുന്നത്.

ആദ്യ ബൈക്ക് സ്വന്തമാക്കുന്നവരിൽ വന്ന മാറ്റം?
2026 മാർച്ചിൽ ഇന്ത്യയിലെ ഇരുചക്ര വാഹന വിപണിയിൽ 19.5 ലക്ഷം യൂണിറ്റുകളുടെ വിൽപ്പന രേഖപ്പെടുത്തിയതായി JATO Dynamics റിപ്പോർട്ട് ചെയ്യുന്നു. 2025 മാർച്ചിലെ കണക്കുമായി താരതമ്യം ചെയ്യുമ്പോൾ 28.21 ശതമാനമാണ് വർധന. ഈ വളർച്ചയിൽ വലിയൊരു പങ്കും ആദ്യമായി ബൈക്ക് വാങ്ങുന്ന യുവാക്കളുടേതാണ്. ഇരുപതുകളുടെ തുടക്കത്തിലുള്ള നിരവധി പേരാണ് ദിവസേനയുള്ള യാത്രകൾക്കും ഗിഗ് ജോലികൾക്കും വ്യക്തിപരമായ ആവശ്യങ്ങൾക്കുമായി പുതിയ ബൈക്കുകൾ സ്വന്തമാക്കുന്നത്.

2026ൽ ആദ്യമായി ബൈക്ക് വാങ്ങുന്ന ഒരാൾ ഷോറൂമിലെത്തുന്നതിന് മുമ്പ് തന്നെ യൂട്യൂബ് റിവ്യൂകൾ കാണുന്നു. വിവിധ ഓൺലൈൻ ഫോറങ്ങളിലെ അഭിപ്രായങ്ങൾ വായിക്കുന്നു. ഇൻഷുറൻസ് അഗ്രിഗേറ്റർ പ്ലാറ്റ്‌ഫോമുകളിൽ പ്രീമിയം നിരക്കുകൾ താരതമ്യം ചെയ്യുന്നു. ക്ലെയിം സെറ്റിൽമെന്റ് അനുപാതവും പരിശോധിക്കുന്നു.

മുൻതലമുറയിൽ പലരും ഇൻഷുറൻസിന്റെ കാര്യത്തിൽ ഡീലറുടെ നിർദേശത്തെയാണ് പ്രധാനമായും ആശ്രയിച്ചിരുന്നത്. ബൈക്കിനൊപ്പം ലഭിക്കുന്ന ഇൻഷുറൻസ് തന്നെ സ്വീകരിക്കുകയും പിന്നീട് പോളിസി പുതുക്കുകയും ചെയ്യുന്നതായിരുന്നു പതിവ്. എന്നാൽ, പോളിസിയിൽ യഥാർഥത്തിൽ എന്തെല്ലാം പരിരക്ഷയുണ്ടെന്ന് വിശദമായി പരിശോധിക്കുന്നവർ കുറവായിരുന്നു.

Autobeiയുടെ കണക്കുകൾ പ്രകാരം ഇന്ത്യയിലെ ഇരുചക്ര വാഹന വിപണിയിൽ ഇപ്പോഴും ഏറ്റവും വലിയ വിഭാഗം എൻട്രി ലെവൽ മോഡലുകളാണ്. ആദ്യമായി വാഹനം വാങ്ങുന്നവരും വിലയ്‌ക്ക് പ്രാധാന്യം നൽകുന്നവരുമാണ് ഈ വിഭാഗത്തിന്റെ പ്രധാന ഉപഭോക്താക്കൾ. എന്നാൽ വിലക്കുറവിന് പ്രാധാന്യം നൽകുന്നു എന്നതുകൊണ്ട് ഏറ്റവും കുറഞ്ഞ നിരക്കിലുള്ള പോളിസി മാത്രം തിരഞ്ഞെടുക്കുന്ന കാലം മാറുകയാണ്. വിലയെക്കുറിച്ച് ബോധവാന്മാരും അതേസമയം വിവരങ്ങൾ അന്വേഷിക്കുന്നവരുമാണ് ഇന്നത്തെ യുവ ബൈക്ക് ഉടമകൾ.

ബൈക്ക് വാങ്ങുന്നതിനപ്പുറം റിസ്കിനെക്കുറിച്ചും ചിന്തിക്കുന്ന യുവാക്കൾ
ഇന്ന് ആദ്യമായി ബൈക്ക് വാങ്ങുന്നവർ വാഹനത്തിന്റെ വില മാത്രം നോക്കിയല്ല തീരുമാനം എടുക്കുന്നത്. ബൈക്ക് ഉപയോഗിക്കുമ്പോഴുണ്ടാകുന്ന ഇന്ധനച്ചെലവ്, പരിപാലനച്ചെലവ്, അപ്രതീക്ഷിത സാമ്പത്തിക ബാധ്യതകൾ തുടങ്ങിയ കാര്യങ്ങളും അവർ പരിഗണിക്കുന്നു.

ഇതിന് പല കാരണങ്ങളുണ്ട്.

ആദ്യമായി ബൈക്ക് വാങ്ങുന്നവരിൽ പലരും വാഹനത്തിനായി വായ്പ എടുക്കുന്നവരാണ്. അതിനാൽ ബൈക്ക് മോഷണം പോകുകയോ പൂർണമായും നശിക്കുകയോ ചെയ്താലും വായ്പ തിരിച്ചടയ്‌ക്കേണ്ട ബാധ്യത തങ്ങൾക്ക് മേലുണ്ടെന്ന അവർക്ക് വ്യക്തമായ ധാരണയുണ്ട്.  അതോടൊപ്പം, ഡെലിവറി ജോലിക്കായി ബൈക്ക് ഉപയോഗിക്കുന്ന യുവാക്കളുടെ എണ്ണവും വർധിച്ചിട്ടുണ്ട്. ദിവസവും കൂടുതൽ സമയം റോഡിലുണ്ടാകുന്നത് അപകടസാധ്യത വർധിപ്പിക്കുമെന്ന വ്യക്തതയും യുവാക്കൾക്കുണ്ട്.

സോഷ്യൽ മീഡിയയും പേഴ്സണൽ ഫിനാൻസുമായി ബന്ധപ്പെട്ട ഓൺലൈൻ കൂട്ടായ്മകളും അപകടങ്ങളുടെ ചെലവ്, വാഹന മോഷണം, ഇൻഷുറൻസ് ക്ലെയിം അനുഭവങ്ങൾ എന്നിവയെക്കുറിച്ചുള്ള വിവരങ്ങൾ എളുപ്പത്തിൽ ലഭ്യമാക്കുന്നുണ്ട്. ഇതോടെ മതിയായ ഇൻഷുറൻസ് പരിരക്ഷയില്ലെങ്കിൽ ഉണ്ടാകാവുന്ന സാമ്പത്തിക ബാധ്യതയെക്കുറിച്ച് യുവാക്കൾ കൂടുതൽ ബോധവാന്മാരാകുന്നു.

പുതിയ ബൈക്ക് ഉടമകൾ നേരിടാൻ സാധ്യതയുള്ള പ്രധാന റിസ്കുകൾ
ദൈനംദിന യാത്രയ്‌ക്കിടെ നേരിടാൻ സാധ്യതയുള്ള പ്രായോഗിക പ്രശ്നങ്ങളാണ് ആദ്യമായി ബൈക്ക് വാങ്ങുന്നവർ പ്രധാനമായും പരിഗണിക്കുന്നത്.

അപകടങ്ങൾ: പരിചയം കുറവായതിനാൽ പുതിയ റൈഡർമാർക്ക് റോഡപകടങ്ങളുടെ സാധ്യത കൂടുതലായിരിക്കാം. ഗതാഗതക്കുരുക്ക്, അശ്രദ്ധമായ ഡ്രൈവിംഗ്, റോഡിന്റെ മോശം അവസ്ഥ തുടങ്ങിയവയും അപകടസാധ്യത വർധിപ്പിക്കുന്നു. പ്രത്യേകിച്ച് ബൈക്ക് ഓടിക്കാൻ തുടങ്ങുന്ന ആദ്യ മാസങ്ങളിൽ കൂടുതൽ ശ്രദ്ധ ആവശ്യമാണ്.

വാഹന മോഷണം: Royal Sundaramയുടെ കണക്കുകൾ പ്രകാരം ഇന്ത്യയിൽ പ്രതിവർഷം 1.6 ലക്ഷത്തിലധികം ഇരുചക്ര വാഹനങ്ങൾ മോഷണം പോകുന്നു. JioInsureയുടെ കണക്കനുസരിച്ച് രാജ്യത്ത് പ്രതിവർഷം 2.6 ലക്ഷത്തിലധികം മോട്ടോർ വാഹന മോഷണക്കേസുകൾ റിപ്പോർട്ട് ചെയ്യപ്പെടുന്നു. ഇതിൽ ഏകദേശം 70 ശതമാനവും ഇരുചക്ര വാഹനങ്ങളാണ്. പുതുതായി വാങ്ങിയ ബൈക്ക് മോഷണം പോകുന്നത് ആദ്യമായി വാഹനം സ്വന്തമാക്കുന്ന ഒരാൾക്ക്  കനത്ത സാമ്പത്തിക ബാധ്യതയാണ് നൽകുന്നത്.

തേർഡ് പാർട്ടി ബാധ്യത: ബൈക്ക് ഓടിക്കുന്നതിനിടെ മറ്റൊരു വാഹനത്തിന് കേടുപാടുണ്ടാക്കുകയോ മറ്റൊരാൾക്ക് പരിക്കേൽക്കുകയോ ചെയ്താൽ നഷ്ടപരിഹാരം നൽകേണ്ട നിയമപരമായ ബാധ്യത റൈഡർക്കുണ്ടാകും. മോട്ടോർ വാഹന നിയമപ്രകാരം തേർഡ് പാർട്ടി ശാരീരിക പരിക്കിനുള്ള നഷ്ടപരിഹാരത്തിന് പരമാവധി പരിധിയില്ല. കരിയർ ആരംഭിക്കുന്ന പ്രായത്തിലുള്ള ഒരു യുവാവിന് ഇത്തരത്തിലുള്ള വലിയ സാമ്പത്തിക ബാധ്യത ഗുരുതരമായ പ്രശ്നമായി മാറാം. അപകടം, മോഷണം, തേർഡ് പാർട്ടി ബാധ്യത എന്നിവ ആദ്യ വർഷങ്ങളിൽ തന്നെ ബൈക്ക് ഉടമയ്‌ക്ക് വലിയ സാമ്പത്തിക ചെലവുണ്ടാക്കാൻ സാധ്യതയുള്ള കാര്യങ്ങളാണ്.

അതുകൊണ്ടുതന്നെ സ്വന്തം വാഹനത്തിനുണ്ടാകുന്ന നാശനഷ്ടം, മോഷണം മൂലമുള്ള നഷ്ടം, തേർഡ് പാർട്ടി ബാധ്യത തുടങ്ങിയവയിൽ സാമ്പത്തിക സംരക്ഷണം ലഭിക്കാൻ സഹായിക്കുന്ന ബൈക്ക് ഇൻഷുറൻസ് പോളിസികളിലേക്ക് പുതിയ തലമുറ കൂടുതൽ ശ്രദ്ധ നൽകുകയാണ്.

 റിസ്കിനെക്കുറിച്ചുള്ള ബോധവും ഡിജിറ്റൽ ലോകവും?
ഇന്നത്തെ തലമുറയ്‌ക്ക് ഇൻഷുറൻസ് വിവരങ്ങൾ അറിയാൻ ഓഫീസുകളിലോ ബ്രാഞ്ചുകളിലോ നേരിട്ട് പോകേണ്ട ആവശ്യമില്ല. പോളിസി രേഖകൾ, പ്രീമിയം കാൽക്കുലേറ്ററുകൾ, ക്ലെയിം സെറ്റിൽമെന്റ് അനുപാതങ്ങൾ, ഉപഭോക്താക്കളുടെ അനുഭവങ്ങൾ തുടങ്ങി ഒട്ടേറെ വിവരങ്ങൾ ഓൺലൈനിൽ ലഭ്യമാണ്.

Zurich Kotakയുടെ അഭിപ്രായത്തിൽ, ഓൺലൈൻ പ്ലാറ്റ്‌ഫോമുകൾ വഴി വിവിധ ഇൻഷുറൻസ് പോളിസികൾ താരതമ്യം ചെയ്യാനും അധിക പരിരക്ഷകൾ മനസിലാക്കാനും സ്വന്തം ആവശ്യത്തിന് അനുയോജ്യമായ സംരക്ഷണം തിരഞ്ഞെടുക്കാനും ഉപഭോക്താക്കൾക്ക് സാധിക്കും.

പോളിസിയിൽ എന്തെല്ലാം ഉൾപ്പെടുന്നു, ഏതൊക്കെ ആഡ്-ഓണുകൾ ആവശ്യമാണ്, തങ്ങൾക്ക് ആവശ്യമായ പരിരക്ഷയിൽ എന്തെങ്കിലും കുറവുണ്ടോ തുടങ്ങിയ കാര്യങ്ങൾ വാങ്ങുന്നതിന് മുമ്പ് തന്നെ പരിശോധിക്കാനും ഡിജിറ്റൽ സൗകര്യങ്ങൾ സഹായിക്കുന്നു.

ഇൻഷുറൻസ് തിരഞ്ഞെടുക്കുമ്പോൾ പുതിയ തലമുറ നോക്കുന്നതെന്ത്?
ആദ്യമായി ബൈക്ക് സ്വന്തമാക്കുന്നവർ  കുറഞ്ഞ പ്രീമിയം മാത്രമല്ല നോക്കുന്നത്. തങ്ങൾക്ക് അനുയോജ്യമായ രിരക്ഷയാണോ ലഭിക്കുന്നത് എന്നതും അവർ പരിശോധിക്കുന്നു.

• കവറേജ് പോളിസി
• സ്വന്തം ബൈക്കിനുണ്ടാകുന്ന നാശനഷ്ടങ്ങൾക്ക് പരിരക്ഷ നൽകുന്നുണ്ടോ എന്നതാണ് പ്രധാനപ്പെട്ട കാര്യം. പലർക്കും തുടക്കത്തിൽ അടിസ്ഥാന തേർഡ് പാർട്ടി ഇൻഷുറൻസ് സ്വന്തം വാഹനത്തിനുണ്ടാകുന്ന നാശനഷ്ടങ്ങൾക്ക് പരിരക്ഷ നൽകില്ല എന്ന കാര്യം അറിയണമെന്നില്ല.
• IDV
  Insured Declared Value (IDV) എന്നത് ബൈക്ക് മോഷണം പോകുകയോ പൂർണമായും നശിക്കുകയോ ചെയ്താൽ ഇൻഷുറൻസ് കമ്പനി നൽകാൻ സാധ്യതയുള്ള പരമാവധി തുകയെ സൂചിപ്പിക്കുന്നു. Bajaj Auto Creditയുടെ വിവരങ്ങൾ പ്രകാരം ബൈക്ക് ഇൻഷുറൻസിലെ IDV മനസിലാക്കുന്നത് പ്രധാനമാണ്. കാരണം ഇത് പ്രീമിയത്തെയും ഭാവിയിൽ ലഭിക്കാവുന്ന ക്ലെയിം തുകയെയും നേരിട്ട് ബാധിക്കുന്നു. IDV വളരെ താഴ്ന്ന നിലയിൽ നിശ്ചയിച്ചാൽ പ്രീമിയം കുറയാം. എന്നാൽ ബൈക്ക് മോഷണം പോകുകയോ പൂർണമായും നഷ്ടപ്പെടുകയോ ചെയ്താൽ ലഭിക്കുന്ന നഷ്ടപരിഹാരവും കുറയാൻ സാധ്യതയുണ്ട്.
• ആഡ്-ഓണുകൾ
  പുതിയ റൈഡർമാർക്കിടയിൽ സീറോ ഡിപ്രീസിയേഷൻ കവർ, റോഡ്സൈഡ് അസിസ്റ്റൻസ്, പില്ലിയൻ റൈഡർക്കുള്ള പേഴ്സണൽ ആക്സിഡന്റ് കവർ, എൻജിൻ പ്രൊട്ടക്ഷൻ തുടങ്ങിയ ആഡ്-ഓണുകൾക്ക് താൽപര്യമുണ്ട്. എന്നാൽ എല്ലാവരും ഒരേ ആഡ്-ഓൺ പാക്കേജ് സ്വീകരിക്കുന്നതിനുപകരം, തങ്ങളുടെ ബൈക്ക് ഉപയോഗിക്കുന്ന രീതി അനുസരിച്ച് ഏതാണ് യഥാർഥത്തിൽ ആവശ്യമെന്ന് പരിശോധിക്കുന്ന പ്രവണതയാണ് വർധിക്കുന്നത്.
• ക്ലെയിം നടപടിക്രമം
  ക്ലെയിം ചെയ്യുമ്പോൾ നടപടിക്രമങ്ങൾ എളുപ്പമായിരിക്കണമെന്നതും പുതിയ ഉപഭോക്താക്കൾ പരിഗണിക്കുന്നു. ഡിജിറ്റൽ ക്ലെയിം സൗകര്യവും ക്യാഷ്‌ലെസ് ഗാരേജുകളുടെ ലഭ്യതയും പലരും പരിശോധിക്കുന്നുണ്ട്.

ഇൻഷൂറൻസ് വെറും നിയമപരമായ ആവശ്യകത മാത്രമല്ല

മുൻതലമുറയിലെ പലരും ബൈക്ക് ഇൻഷുറൻസിനെ പ്രധാനമായും നിയമപരമായ ആവശ്യകതയായാണ് കണ്ടിരുന്നത്. ഡീലർഷിപ്പിൽ നിന്ന് പോളിസി എടുത്ത് ഓരോ വർഷവും പുതുക്കുക എന്നതായിരുന്നു പതിവ്. ക്ലെയിം ചെയ്യേണ്ട സാഹചര്യം വന്നാൽ മാത്രമായിരുന്നു പലരും പോളിസിയുടെ വിശദാംശങ്ങൾ പരിശോധിച്ചിരുന്നത്. പലർക്കും തങ്ങളുടെ പോളിസിയിലെ IDV എത്രയാണെന്നോ ഏത് ആഡ്-ഓണുകളാണ് ലഭ്യമെന്നോ കൃത്യമായി അറിയുമായിരുന്നില്ല.

എന്നാൽ യുവ ബൈക്ക് ഉടമകൾ ഇൻഷുറൻസിനെ വാഹനം വാങ്ങുന്നതിന്റെ ആകെ ചെലവിന്റെ ഭാഗമായാണ് കാണുന്നത്. പ്രീമിയം താരതമ്യം ചെയ്യുന്നു. കവറേജ് വ്യവസ്ഥകൾ വായിക്കുന്നു. സ്വന്തം ഉപയോഗത്തിന് ആവശ്യമായ ആഡ്-ഓണുകൾ തിരഞ്ഞെടുക്കുന്നു. പോളിസി വാങ്ങാനും പുതുക്കാനും ഡിജിറ്റൽ സംവിധാനങ്ങൾ ഉപയോഗിക്കുകയും ചെയ്യുന്നു.

ആദ്യ ബൈക്കും റിസ്ക് പ്രൊട്ടക്ഷനും
പുതിയ ബൈക്ക് ഉടമകൾക്ക് അപകടമുണ്ടായതിന് ശേഷമോ ബൈക്ക് മോഷണം പോയതിന് ശേഷമോ മാത്രം ഓർക്കേണ്ട ഒന്നായി ഇൻഷുറൻസ് മാറുന്നില്ല. ബൈക്ക് വാങ്ങുന്നതിന് മുമ്പുതന്നെ ഇൻഷുറൻസ് പരിശോധിക്കുകയും വിവിധ പോളിസികൾ താരതമ്യം ചെയ്യുകയും ആവശ്യമായ പരിരക്ഷ തിരഞ്ഞെടുക്കുകയും ചെയ്യുന്ന പ്രവണതയാണ് ഇപ്പോൾ ശക്തമാകുന്നത്. ദൈനംദിന യാത്രയ്‌ക്ക് ചെലവ് കുറഞ്ഞതും പ്രായോഗികവുമായ വാഹനമായതിനാൽ ഇന്ത്യയിൽ ലക്ഷക്കണക്കിന് ആളുകൾ ആദ്യ വാഹനമായി ബൈക്കിനെ തിരഞ്ഞെടുക്കുന്നു.

എന്നാൽ ബൈക്ക് വാങ്ങാനുള്ള ചെലവ് കുറവാണെന്നത് അതിന്റെ ഉടമസ്ഥതയുമായി ബന്ധപ്പെട്ട സാമ്പത്തിക റിസ്കും കുറവാണെന്ന് അർഥമാക്കുന്നില്ല. അപകടം, മോഷണം, അറ്റകുറ്റപ്പണി, തേർഡ് പാർട്ടി ബാധ്യത തുടങ്ങിയ കാര്യങ്ങൾ വലിയ ചെലവിലേക്ക് നയിച്ചേക്കാം.

ചുരുക്കത്തിൽ

ആദ്യ  ബൈക്ക് സ്വന്തമാക്കുന്ന ഇന്നത്തെ തലമുറ മുൻതലമുറയേക്കാൾ കൂടുതൽ വിവരങ്ങൾ അന്വേഷിക്കുകയും സാമ്പത്തിക റിസ്കുകളെക്കുറിച്ച് കൂടുതൽ ബോധവാന്മാരാകുകയും ചെയ്യുന്നുണ്ട്. അറ്റകുറ്റപ്പണികളുടെ വർധിച്ചുവരുന്ന ചെലവ്, വാഹന മോഷണത്തിന്റെ സാധ്യത, തേർഡ് പാർട്ടി ബാധ്യത, ഇൻഷുറൻസിനെക്കുറിച്ചുള്ള വിവരങ്ങൾ എളുപ്പത്തിൽ ലഭിക്കുന്ന സാഹചര്യം എന്നിവയെല്ലാം ഇതിന് കാരണമാകുന്നു.

അതുകൊണ്ട് തന്നെ ബൈക്ക് വാങ്ങിയശേഷം ചിന്തിക്കേണ്ട കാര്യമായി ഇൻഷുറൻസ് മാറുന്നില്ല. വാഹനം സ്വന്തമാക്കുന്ന ആദ്യ ദിവസം മുതൽ തന്നെ എന്ത് പരിരക്ഷയാണ് വേണ്ടതെന്ന് മനസിലാക്കി തീരുമാനിക്കുന്നതാണ് പുതിയ തലമുറയുടെ സമീപനം.

മുൻതലമുറയിലെ പലരും ഇൻഷുറൻസിനെ നിയമപരമായ ഒരു ആവശ്യകതയായി കണ്ടപ്പോൾ, ഇന്നത്തെ തലമുറ അതിനെ സ്വന്തം സാമ്പത്തിക സുരക്ഷയുടെ ഭാഗമായാണ് കാണുന്നത്. അതാണ് ഇരുതലമുറകൾ തമ്മിലുള്ള പ്രധാന മാറ്റം.