NewsIndia

‘വിരാട’ പർവ്വം അവസാനിക്കുന്നു..

ന്യൂഡൽഹി : ഭാരതീയ നാവിക സേനയുടെ വിമാന വാഹിനിക്കപ്പൽ ഐ എൻ എസ് വിരാട് ഈ വർഷം സൈനിക സേവനത്തിൽ നിന്ന് പിൻവാങ്ങും. 29 വർഷത്തെ ഉജ്ജ്വലമായ സേവനം അവസാനിപ്പിച്ച് വിരാടിനെ മ്യൂസിയമാക്കി മാറ്റാനുള്ള തീരുമാനത്തിലാണ് അധികൃതർ . അറ്റകുറ്റപ്പണികൾക്ക് ആവശ്യമായ ഉയർന്ന ചെലവും കാലപ്പഴക്കവുമാണ് വിരാടിന്റെ പിന്മാറ്റത്തിന് കാരണം.

ബ്രിട്ടീഷ് റോയൽ നാവിക സേനയുടെ 1959 ൽ കമ്മീഷൻ ചെയ്ത എച്ച് എം എസ് ഹെംസ് ആണ് പിന്നീട് ഐ എൻ എസ് വിരാട് ആയത് . 1987 ലാണ് വിരാട് ഇന്ത്യൻ നേവിയുടെ ഭാഗമായത് . എഞ്ചിൻ റൂമിൽ വെള്ളം കയറിയതിനെ തുടർന്ന് 1993 ൽ നാവിക സേനയിൽ നിന്ന് പിൻവലിക്കപ്പെട്ട വിരാട് പിന്നീട് രണ്ട് വർഷങ്ങൾക്ക് ശേഷമാണ് തിരിച്ചെത്തിയത് .

കഴിഞ്ഞ വർഷം മുതൽ എല്ലാ നാവിക സേനാ ആസ്ഥാനങ്ങളും സന്ദർശിച്ച് അവസാന സല്യൂട്ട് വാങ്ങി യാത്ര തുടർന്ന വിരാട് ഈ ഫെബ്രുവരിയോടെ വിശാഖപട്ടണത്തെത്തും . തുടർന്ന് മുംബൈയിലേക്ക് പോകും. നാവികസേനയുടെ മദർഷിപ്പ് എന്നറിയപ്പെടുന്ന വിരാട് പിന്നീട് ഗതകാല യുദ്ധ സ്മൃതികളുണർത്തി മ്യൂസിയമായി സഞ്ചാരികളെ സ്വാഗതം ചെയ്യും.

4 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close