മലപ്പുറം: സോളാര് കേസില് തൃശൂര് വിജിലന്സ് കോടതിയുടെ ഉത്തരവിന്റെ പശ്ചാത്തലത്തില് മുഖ്യമന്ത്രിസ്ഥാനം രാജിവയ്ക്കില്ലെന്ന് ഉമ്മന് ചാണ്ടി. എന്റെ മനസ്സാക്ഷിയ്ക്ക് മുന്നില് ഞാന് തെറ്റ് ചെയ്തിട്ടില്ല. ധാര്മികതയ്ക്ക് അപ്പുറത്താണ് മനസ്സാക്ഷിയുടെ ശക്തി. അതാണ് എന്റെയും കരുത്ത്. താന് എന്തിന് രാജിവയ്ക്കണമെന്നും മുഖ്യമന്ത്രി ഉമ്മന്ചാണ്ടി. കോടതി വിധി പ്രതികൂലമായ പശ്ചാത്തലത്തില് രാജിവയ്ക്കുമോ എന്ന മാദ്ധ്യമ പ്രവര്ത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.
14 മണിക്കൂര് കമ്മിഷനു മുന്നില് നിന്ന് ചോദ്യങ്ങള്ക്ക് പറഞ്ഞപ്പോള് ഒരു ചോദ്യവും ചോദിക്കാതിരുന്ന അഭിഭാഷകരുടെ കക്ഷിയാണ് ഇപ്പോള് ആരോപണങ്ങള് ഉന്നയിച്ചിരിക്കുന്നത്. ഞാനും ആര്യാടനും ഏത് തരത്തിലുള്ള അന്വേഷണവും നേരിടാന് തയ്യാറാണ്. ഘടകകക്ഷികളുമായും ഹൈക്കമാന്ഡുമായും സംസാരിച്ചതിനുശേഷം വേണ്ടത് ചെയ്യുമെന്നും മുഖ്യമന്ത്രി പറഞ്ഞു.