മൊഗാദിഷു: സൊമാലിയയില് വിമാനത്തിനുള്ളിലുണ്ടായ സ്ഫോടനത്തെ തുടര്ന്ന് പുറത്തേയ്ക്ക് തെറിച്ചുവീണ യാത്രക്കാരന് ദാരുണാന്ത്യം. സ്ഫോടനത്തില് വിമാനത്തിന്റെ പുറം ചട്ടയില് ഉണ്ടായ ദ്വാരത്തിലൂടെയാണ് യാത്രക്കാരന് പുറത്തേയ്ക്ക് വീണത്. ഡോളോ എയര്ലൈന്സിന്റെ വിമാനത്തിലാണ് ദുരന്തമുണ്ടായത്.
മൊഗാദിഷു വിമാനത്താവളത്തില് നിന്നും പറന്നുയര്ന്ന വിമാനം 10,000 അടി ഉയരത്തില് സഞ്ചരിക്കവേയാണ് സ്ഫോടനം ഉണ്ടായത്. ഉടന് തന്നെ വിമാനം മൊഗാദിഷുവില് തന്നെ തിരിച്ചിറക്കി. പുറംചട്ടയില് ദ്വാരം ഉണ്ടായിട്ടും വിമാനം സുരക്ഷിതമായി താഴെയിറക്കാന് പൈലറ്റിനു കഴിഞ്ഞത് കൂടുതല് അപകടങ്ങള് ഒഴിവാക്കി.
വിമാനത്തില് 74 യാത്രക്കാരാണ് ഉണ്ടായിരുന്നത്. സ്ഫോടനത്തിന്റെ കാരണം വ്യക്തമായിട്ടില്ല. സംഭവത്തില് രണ്ടുപേര്ക്ക് സാരമായ പരിക്കുകള് ഏറ്റിട്ടുണ്ട്.
