ന്യൂഡല്ഹി: കൈയ്യില്ലാത്ത ഉടുപ്പിട്ടെത്തിയ വനിതാ സോഷ്യല് മീഡിയ ആക്ടിവിസ്റ്റിന് ഡല്ഹി ജുമാ മസ്ജിദില് പ്രവേശനം നിഷേധിച്ചു. കേരളത്തിലെ നവമാധ്യമക്കൂട്ടായ്മകളില് സജീവമായ ആക്ടിവിസ്റ്റിനെയാണ് തടഞ്ഞത്.
ഏറെ നേരം നീണ്ട തര്ക്കത്തിനൊടുവില് വിദേശികള്ക്ക് കൊടുക്കുന്ന കുപ്പായമിട്ട് മാത്രമാണ് ഇവരെ അകത്ത് പ്രവേശിപ്പിച്ചത്. അര്ദ്ധനഗ്നരായ ആണുങ്ങള് പോലും അകത്ത് കയറുമ്പോഴാണ് കൈയ്യില്ലാത്ത ഉടുപ്പിട്ടുവെന്ന പേരില് തന്നെ തടഞ്ഞതെന്ന് ഇവര് പിന്നീട് പ്രതികരിച്ചു.
കൊച്ചിയില് നടന്ന ചുംബനസമരത്തിലും അടുത്തിടെ നടന്ന മനുഷ്യസംഗമത്തിലും ഉള്പ്പെടെ സജീവസാന്നിധ്യമായിരുന്നു ഇവര്. ജെഎന്യു, രോഹിത് വെമുല വിഷയങ്ങളിലും സമൂഹമാദ്ധ്യമങ്ങളിലെ ചര്ച്ചകളില് ഇവര് സജീവമായിരുന്നു.