NewsHealth

രോഗികൾക്ക് ആശ്വാസം; കേന്ദ്രസർക്കാർ മരുന്നു വില കുറച്ചു

ന്യൂഡൽഹി: രോഗികൾക്ക് ആശ്വാസമായി നൂറിലേറെ ജീവൻ രക്ഷാമരുന്നുകളുടെ വില കേന്ദ്ര മരുന്നു വില നിയന്ത്രണ സമിതി വെട്ടിക്കുറച്ചു. ഹെപ്പറ്റൈറ്റിസ്, എച്ച്.ഐ.വി. ഹൃദ്രോഗം, കരൾ രോഗങ്ങൾ തുടങ്ങിയവയ്ക്കുളള  ആന്റി ബയോടിക്കുകൾ അടക്കമുളള  മരുന്നുകളുടെ വിലയാണ് കുറയുന്നത്.

ശസ്ത്രക്രിയയോടനുബന്ധിച്ചും, അല്ലാതെയും ഉപയോഗിക്കുന്ന അണുബാധാനിയന്ത്രണ, ആന്റി ഫംഗൽ മരുന്നുകളും പട്ടികയിൽ ഉൾപ്പെടുന്നു. വേദനാസംഹാരികളുടെയും, വിറ്റാമിൻ മരുന്നുകളുടെയും വിലയും കുറയും. ഇത് രാജ്യത്തെ കോടിക്കണക്കിനു വരുന്ന ജനങ്ങൾക്ക് ആശ്വാസകരമാണ്.

നാണയപ്പെരുപ്പം കുറഞ്ഞതിനേത്തുടർന്നാണ് ഈ വില പുനർനിർണ്ണയം സാദ്ധ്യമായത്. ഇനി മുതൽ ചില്ലറ വിൽപനശാലകളിലെ പഴയ സ്റ്റോക്കുകൾക്കും പുതുക്കിയ, കുറഞ്ഞ വില നൽകിയാൽ മതിയാകും. ഇതിൽ റീടെയിലേഴ്സിനുണ്ടാവുന്ന അധിക സാമ്പത്തിക ബാദ്ധ്യത മരുന്നു കമ്പനികൾ നികത്തും.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close