മെസിയുടെ ഹാട്രിക്ക് പ്രകടനത്തില് പാനമയ്ക്കെതിരെ അര്ജന്റീനയ്ക്ക് തകര്പ്പന് ജയം. ഏകപക്ഷീയമായ അഞ്ച് ഗോളുകള്ക്കാണ് അര്ജന്റീനയുടെ ജയം.
ഏഴാം മിനിറ്റില് എയ്ഞ്ചല് ഡി മരിയ നല്കിയ പാസ് ഒട്ടമെന്ഡി വലയിലാക്കി. 54-ാം മിനിറ്റില് ഗോളി മാത്രം മുന്നില് നില്ക്കെ ലഭിച്ച സുവര്ണാവസരം ഹിഗ്വെയ്ന് പാഴാക്കി.
മത്സരത്തിന്റെ അറുപതാം മിനിറ്റില് അഗസ്റ്റോ ഫെര്ണാണ്ടസിനെ പിന്വലിച്ച് മെസിയെ ഇറക്കിയതോടെയാണ് കളിമാറിയത്. 68-ാം മിനിറ്റില് മെസ്സിയുടെ ആദ്യ ഗോള്, അര്ജന്റീനയുടെ രണ്ടാം ഗോള്. 78-ാം മിനിറ്റില് ഫ്രീ കിക്കിലൂടെ മെസ്സി ലക്ഷ്യം കണ്ടു. 87-ാം മിനിറ്റില് മാര്ക്കോസ് റോജ നല്കിയ പന്ത് മൂന്ന് ഡിഫന്ഡേഴ്സിനെ മറികടന്നാണ് മെസ്സി ലക്ഷ്യത്തിലെത്തിച്ചത്.
90-ാം മിനിറ്റില് മെസി നല്കിയ പന്ത് റോജോ അഗ്യൂറോയ്ക്ക് നല്കി. അഗ്യോറോ അത് ഹെഡ് ചെയ്ത് വലയിലാക്കി അജന്റീനയുടെ അഞ്ചാം ഗോള് നേടി.
31-ാം മിനിറ്റില് അര്ജന്റീനയുടെ ഗെയ്റ്റന്റെ കണ്ണില് കുത്തിയതിന് പാനമയുടെ അനിബല് ഗോദോയ്ക്ക് രണ്ടാം മഞ്ഞക്കാര്ഡ് കിട്ടിയതോടെ 10 പേരുമായാണ് പാനമ കളിച്ചത്.
