NewsSpecial

അവനവൻ കടമ്പ കടന്ന്…

മലയാള ആധുനിക നാടകവേദിയുടെ ആചാര്യനായിരുന്നു കാവാലം നാരായണപ്പണിക്കർ . ആബാല വൃദ്ധം ജനങ്ങൾക്കും മനസ്സിലാകുന്ന തരത്തിൽ നാടക പ്രസ്ഥാനത്തെ മണ്ണിന്‍റെ മണത്തോടു കൂട്ടിച്ചേർത്തത് കാവാലമായിരുന്നു

തനതു നാടക വേദിയുടെ ജീവനും തിളക്കവുമായിരുന്നു കാവാലം നാരായണപ്പണിക്കർ .കേരളത്തിന്‍റെ പാരമ്പര്യമായിരുന്ന രംഗകലയിൽ ചുവടുറപ്പിച്ചു നിന്നുള്ള നാടകങ്ങളായിരുന്നു തനതു നാടകവേദികൾ അരങ്ങെത്തിത്തിച്ചത് . കൂടിയാട്ടം, കഥകളി, തിറ തെയ്യം, കാക്കാരശ്ശി നാടകം ഇവയുടെയെല്ലാം സവിശേഷതയായ ശൈലീകൃതമായ അഭിനയരീതിയാണ് തനതു നാടക വേദി അടിത്തറയാക്കിയത് .

ഓണാട്ടുകരയിലെ ജീവിതവും സൗഹൃദ ക്കൂട്ടങ്ങളിൽ നിന്നു ഒരുക്കൂട്ടിയ ഊർജ്ജവും നാടകങ്ങളിലേക്ക് ആവാഹിക്കാൻ കാവാലത്തിനായി . ഏറെക്കുറെ നിർജ്ജീവമായിരുന്ന സംസ്കൃതനാടക പാരമ്പര്യത്തിന് പുതു ജീവൻ പകരാൻ കഴിഞ്ഞത് അദ്ദേഹത്തിന്‍റെ ശ്രമഫലങ്ങളിലൂടെയാണ് . ഭാസന്‍റെയും കാളിദാസന്‍റെയും സംസ്കൃത നാടകങ്ങളെ മിഴിവുറ്‍റതാക്കി മലയാളത്തിൽ അവരിപ്പിക്കാൻ കാവാലത്തിന് കഴിഞ്ഞു .

സാംസ്ക്കാരിക പ്പഴമയും തനിയയും വെളിവാക്കുന്ന ഒട്ടേറെ ഉത്സവങ്ങൾ ജനങ്ങളിലേക്കെത്തിച്ച മികച്ച സംഘാടകനായിരുന്നു കാവാലം നാരായണപ്പണിക്കർ . തിരുവരങ്ങ് എന്ന കാവാലത്തിന്‍റെ നാടക സമിതി ജനസമക്ഷം എത്തിച്ച അടിത്തറ, സാക്ഷി, തിരുവാഴിത്താൻ , ദൈവത്താർ, അവനവൻ കടമ്പ തുടങ്ങിയ നാടകങ്ങൾ ഉൾപ്പടെ ഇരുപതിലധികം നാടകങ്ങളും കുമ്മാട്ടി, ചക്കീ ചങ്കരം ഉൾപ്പടെയുള്ള അഞ്ച് കുട്ടികളുടെ നാടകങ്ങളും
മൊഴിമാറ്‍റം ചെയ്ത സംസ്കൃത നാടകങ്ങളും വളർത്തിയത് നാടകപ്രസ്ഥാനത്തെ മാത്രമല്ല മലയാളത്തെ ക്കൂടിയാണ് .

മോഹൻലാൽ കേന്ദ്ര കഥാപാത്രത്തെ അവതിപ്പിച്ച സംസ്കൃത നാടകം കർണഭാരം അത്യന്തം ആസ്വാദക പ്രശംസ പിടിച്ചു പറ്‍റി . കാലത്തിന്‍റെ ചരിത്രത്താളിലേക്ക് എഴുതി ച്ചേർക്കുന്ന ആ പേര് മലയാളിക്ക് എന്നും ഏറെ പ്രിയംകരമായിരിക്കും

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close