NewsMovieEntertainment

തീയറ്ററുകൾ ഇളക്കി മറിച്ച് കബാലിയെത്തി

ചെന്നൈ: ആരാധകരുടെ കാത്തിരിപ്പിനൊടുവിൽ എത്തിയ കബാലിക്ക് ലോകമെമ്പാടും മികച്ച വരവേൽപ്പ്. പ്രമുഖരടക്കമുള്ളവർ ആദ്യ പ്രദർശനം കാണാൻ എത്തി. പലയിടത്തും ടിക്കറ്റ് ലഭിക്കാത്തത് സംഘർഷത്തിന് ഇടയാക്കി.

കാത്തിരിപ്പുകൾക്കൊടുവിൽ എത്തിയ കബാലിയെ ആഘോഷപൂർവ്വമാണ് ലോകമെമ്പാടുമുള്ള പ്രേക്ഷകർ സ്വീകരിച്ചത്. പ്രദർശനത്തിന് മണിക്കൂറുകൾക്ക് മുന്പു തന്നെ തീയറ്ററുകൾ പ്രേക്ഷകരെ കൊണ്ട് നിറഞ്ഞിരുന്നു. ആടിയും, പാടിയും, പടക്കം പൊട്ടിച്ചും, രജനിയുടെ കൂറ്റൻ കട്ടൗട്ടുകളിൽ പാലഭിഷേകം നടത്തിയും ആരാധകർ ആഘോഷം വാനോളമുയർത്തി. തമിഴ്നാട്ടിൽ നാലരയ്ക്കും സംസ്ഥാനത്ത് അഞ്ച് മണിക്കും കബാലി ആരാധകർക്കു മുന്നിൽ അവതരിച്ചു.

പ്രിയ താരത്തെ സ്ക്രീനിൽ കണ്ടപ്പോൾ തീയറ്റർ ഇളകി മറിഞ്ഞു. ആദ്യ പ്രദർശനത്തിന് താരങ്ങളടക്കമുള്ളവരും എത്തിയിരുന്നു. ചെന്നെയിൽ നടന്ന ആദ്യ പ്രദർശനത്തിന് നടൻ ജയറാം അടക്കമുള്ള താരങ്ങൾ എത്തി. ആഘോഷത്തിന്‍റെ ഭാഗമാകാനാണ് താൻ ആദ്യ പ്രദർശനം കാണാനെത്തിയതെന്ന് ജയറാം പറഞ്ഞു. ഇത്തരം ഒരു അനുഭവം ആദ്യമാണെന്നും ജയറാം പ്രതികരിച്ചു.

രജനി ചിത്രങ്ങളുടെ എല്ലാ ചേരുവകളും ചേ‍ർത്താണ് കബാലി ഒരുക്കിയിരിക്കുന്നതെന്ന് ചിത്രം കണ്ടിറങ്ങിയവർ പ്രതികരിച്ചു. അതിനിടെ തമിഴ്നാട്ടിൽ പല തീയറ്ററുകളിലും ടിക്കറ്റ് ലഭിക്കാത്തത് സംഘർഷത്തിന് ഇടയാക്കി. പലയിടത്തും പ്രതിഷേധക്കാർ പ്രകടനം നടത്തി, പൊലീസ് ഇടപെട്ടാണ് രംഗം ശാന്തമാക്കിയത്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close