NewsMovie

ടി.എ റസാഖിന് നാടിന്റെ അന്ത്യാഞ്ജലി

കോഴിക്കോട്: അന്തരിച്ച തിരക്കഥാകൃത്ത് ടി.എ റസാഖിന് ചലച്ചിത്ര ലോകത്തിന്റെയും നാടിന്റെയും യാത്രാമൊഴി. ഔദ്യോഗിക ബഹുമതികളോടെ തുറയ്ക്കല്‍ ജുമാ മസ്ജിദിലായിരുന്നു സംസ്‌കാരം.

ചലച്ചിത്ര ലോകത്തെയും രാഷ്ട്രീയരംഗത്തെയും പ്രമുഖരടക്കം നിരവധി പേര്‍ ടി.എ റസാഖിന് ആദരാഞ്ജലികള്‍ അര്‍പ്പിക്കാന്‍ ജന്മനാടായ കൊണ്ടോട്ടിയില്‍ എത്തി. സംവിധായകരായ സിബി മലയില്‍, കമല്‍, തമ്പി കണ്ണന്താനം, എം. പത്മകുമാര്‍, സലീം അഹമ്മദ്, എം.എല്‍.എമാരായ പി.കെ.കുഞ്ഞാലിക്കുട്ടി, ടി.വി. ഇബ്രാഹിം, നടന്മാരായ വിനീത്, കോഴിക്കോട് നാരായണന്‍ നായര്‍ തുടങ്ങിയവര്‍ പ്രിയകലാകാരന് അന്ത്യോപചാരം അര്‍പ്പിച്ചു.

മൂന്ന് മണിക്കൂറോളം കൊണ്ടോട്ടി മോയിന്‍കുട്ടി സ്മാരക ഹാളില്‍ പൊതുദര്‍ശനത്തിന് വെച്ച മൃതദേഹം പതിനൊന്നരയോടെ ആചാരപരമായ ചടങ്ങുകള്‍ പൂര്‍ത്തിയാക്കി തുറയ്ക്കല്‍ ജുമാമസ്ജിദിലേക്ക് കൊണ്ടുപോയി. സംസ്ഥാന സര്‍ക്കാരിന്റെ ഔദ്യോഗികബഹുമതികള്‍ക്ക് ശേഷമായിരുന്നു സംസ്‌കാരം.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close