NewsIndiaSpecial

ജി എസ് ടി കാർ വിപണിയെ എങ്ങനെ സ്വാധീനിക്കും ?

ചർക്കു സേവന നികുതി ബിൽ പാർലമെന്റ് പാസാക്കിയതിനെ തുടർന്ന് ഏറെ അവ്യക്തതകളും അഭ്യൂഹങ്ങളും നിലനിൽക്കുകയാണ് . സംസ്ഥാനങ്ങൾ കൂടി ബിൽ പാസാക്കി കഴിഞ്ഞാൽ മാത്രമേ അന്തിമമായി ജി എസ് ടി എങ്ങനെ വിപണിയെ സ്വാധീനിക്കുമെന്ന് മനസ്സിലാക്കാൻ കഴിയൂ .നികുതിയുടെ ഏകീകരണം എത്രശതമാനത്തിലാക്കണം എന്നതിൽ ഇതുവരെയും തീരുമാനമായിട്ടില്ല .

രാജ്യത്തെ പ്രധാന വിപണികളിലൊന്നായ കാർ വിപണിയെ ജി എസ് ടി എങ്ങനെ സ്വാധീനിക്കുമെന്നുള്ള അന്വേഷണങ്ങൾ തുടങ്ങിക്കഴിഞ്ഞു . എക്സൈസ് നികുതിയും വാറ്റും പ്രവേശന നികുതിയും കേന്ദ്ര വിൽപ്പന നികുതിയും കൂടി ചേരുമ്പോൾ കാറിനുള്ള നികുതി 26- 30 ശതമാനത്തിലെത്തിയിരുന്നു .

എന്നാൽ ജി എസ് ടി വരുന്നതോടെ കാര്യങ്ങൾ കൂടുതൽ എളുപ്പമാകും . അടിസ്ഥാന നികുതി 17-18 ശതമാനത്തിൽ ഒതുങ്ങുന്നതോടെ കാറുകൾക്ക് വില കുറയുമെന്നാണ് കണ്ടെത്തിയിട്ടുള്ളത് . മദ്ധ്യ വിഭാഗത്തിൽ പെട്ട അതായത് 1200- 1500 സിസി വിഭാഗത്തിൽ പെട്ട കാറുകൾക്കാകും ഏറ്റവും കൂടുതൽ ഗുണം ലഭിക്കുക.

ഇരുപത് ശതമാനത്തോളമാണ് ഇത്തരം കാറുകൾക്ക് നികുതി കുറയുക . ചെറു കാറുകൾക്ക് 10 ശതമാനവും ആഡംബര കാറുകൾക്ക് 5 ശതമാനവും ഇളവ് ലഭിച്ചേക്കും . കസ്റ്റംസ് നികുതി ജി എസ് ടിയിൽ ഉൾപ്പെടുത്താത്തതിനാൽ ഇറക്കുമതി ചെയ്യുന്ന വാഹനങ്ങൾക്ക് നികുതി ഇളവൊന്നും ലഭിക്കില്ല . ഭാഗങ്ങൾ ഇറക്കുമതി ചെയ്ത് യോജിപ്പിക്കുന്ന കാറുകൾക്കും ഇളവൊന്നും ലഭിക്കില്ല.

ജി എസ് ടി വരുന്നതോടെ രാജ്യം മുഴുവൻ എക്സ് ഷോറൂം വിലകൾ ഏകീകരിക്കപ്പെടും എന്നതാണ് മറ്റൊരു കാര്യം . നിലവിൽ പല നഗരങ്ങളിലും പല വിലകളാണ് കാറുകൾക്ക് നിശ്ചയിക്കുന്നത്.

ഹാച്ച് ബാക്കുകളും സെഡാനുകളും തമ്മിലുള്ള അന്തരം കുറയുന്നതോടെ കൂടുതൽ പേർ സെഡാൻ ഇനത്തിലേക്ക് തിരിയാനുള്ള സാദ്ധ്യതയുമുണ്ട് . എക്സൈസ് നികുതിയിൽ നിന്ന് രക്ഷപ്പെടാൻ നാല് മീറ്ററിനുള്ളിലുള്ള കാറുകൾ നിർമ്മിക്കാനുള്ള മുൻ തീരുമാനം കമ്പനികൾ പുനപരിശോധിക്കും . അതുകൊണ്ട് തന്നെ വലിയ കാറുകൾ നിരത്തിലിറക്കാനുള്ള സാദ്ധ്യതയും ഏറെയാണ് .

എന്തായാലും ജി എസ് ടി വാഹന വിപണിയ്ക്ക് അനുകൂലമായിത്തന്നെ മാറുമെന്നാണ് നിലവിലുള്ള വിലയിരുത്തൽ .

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close